لامات لانايف ولامات سلطان = ولامات سلطانآ ولا مات نايف
ال السعود الكل نايف و سلطان = والكل منهم نايفآ فوق نايف
الله جعلهم هكذا عالي الشان = امجادهم ماتنحصي بالصحايف
وبالشعر يعجز مدحهم كل الأوزان = وفي غيرهم يقول مامن كلايف
اما هل العوجاء لهم الف حسبا ن = بعدم وفاه الشعر داري وخايف
خوفه يقال الشعر مايوفي انسان = من ال السعود اهل السيوف الرهايف
اللي لهم في صفحة المجد عنوان = بأحرف ذهب والكل بالعين شايف
لعل ميتهم مع الصحب سكان = والحي منهم مايشوف الكسايف
امين ياللي تعلم الغيب رحمان = وياراحم ارحم بعد سلطان نايف
من بعد سبع شهور من موت سلطان = الموت اخذ رجل المهمات نايف
ومن قبلهم فهد العروبه كحيلان = اللي عليه د موع هلت ذرايف
واليوم ابو متعب مع اخوه سلمان = بلسم جروحآ بالضلوع النحايف
يسيرون الحكم في بر الامان = بسيفآ على ارقبة المعادي مهايف
يشهد لهم بالعدل في كل الأوطان = وفي عطفهم بر الجميع الطوايف
ما فرقوا ما بين علان و افلان = ولايلحقون المدهم بالحسايف
وياما اعتقوا ارقاب من زود الأحسان = الوجه الا له ولاهدفهم خلايف
مطلبهم من الرب حسنه وغفران = لاحل واحدهم مابين الهدايف
الله يزيد اعمارهم ضعفها ازمان = حيث انهم حكام عدل ونصايف
ولهم الولى منا ولو كان ماكان = ما نستمع لقوال مغرض وزايف

المشاركة الأصلية كتبت بواسطة العتيبي السعدي الهوازني (المشاركة 1307104) اللهم صل وسلم على نبينا محمد وعلى آله وصحبه اجمعين

المشاركة الأصلية كتبت بواسطة احمد العمري الحربي (المشاركة 1307892) صح السانك وبيض الله وجهك قصيدةجزلة من شاعر جزل والله يخلينا حكامنا ويحميهم من كل شر