واحش قلبي حـش زرعـن بدوبـه=بإرضن حشاك وحورفو للنجـازي
وياونتـي ونـة مريضـن عنوبـه=مريض غلـث وشـم دم البـرازي
على الذي ياخليف مانيـب صوبـه=لا هو ولد عمي ولا هـو مجـازي
العيـن عيـن موحّشـن شبكـوبـه=طيرة بحـر ماتنـزل الا النـوازي
والخد قرطاس الشريـف اكتبوبـه=اصفى من الكاغد على الشمع لا زي
وامبيسمن سلك الحريـر انظموبـه=أصفر عفر واعلو كهرب ومـازي

قلبي على الغالي تـوارد طنوبـه=تلّيتنـي ياشـوق تلّـة حجـازي
أبو نهودن شولعـن نقـش ثوبـه=حمرن ثمرهن بالتراقي لـوازي
والنفس ماهي عن المراد محجوبه=بس الهوى يهدّي رجالن عزازي

وآتـل قلبـي تلتـيـنٍ بنـوبـه=وماني على فرقاك ياشوق عازي
أبونهودن مزّعـن جيـب ثوبـه=شبّت على وسط الضماير بقازي
العين عين اللي ورد جو جوبـه=متذيرن مـن ناقليـن الجهـازي
والراس ذيل مهيرتن صفّقوبـه=قامت تشوّح بالرجال الـدرازي

وآحالي اللي شـب فيهـا شبوبـه=شبّة صريفن شب بإنبوب غـازي
حافوه جهّال العـرب واشخطوبـه=وذع ذع له الغربي بروس النوازي
ذع ذع له الغربي وصدّق هبوبـه=لو هازه الهـوّاز مالـه مهـازي
أبو نهيـدن مزّعـن جيـب ثوبـه=هافي حشى كنّه عن الزاد عـازي
راع الهوى لو هو بـري اذنبوبـه=وأنا أحمد الله ماختم في جـوازي
الحب قبلي نـاس قـد سولفوبـه=وأنا بعد غـزّاي بإتلـى المغـازي

وآحالـي اللـي زايداتـن كروبـه=وقلبي تكسر مثل كسـر القـزازي
على الذي ياحمـود عنـي غدوبـه=أهل النمايـم والحكـي واللغـازي
أبوعيـونٍ كـل مـالـد صـوبـه=يخزّنـي ياحمـود بلخـاز بــازي
وشعرن يلامس يوم يقفـي كعوبـه=واعجاز ردفـه نابيـه بارتكـازي
مثل القحـوم اللـي تلاكـد جنوبـه=شقراء قحـوم ولا لقولـه مـوازي
ودي أجيلـه بـس فيهـا صعوبـه=لا شك من دونه حجاب وحجـازي
عسـرن حمـاه ومبهماتـن دروبـه=دونه بطانيـج وعـزاز وغـرازي
ماني مطـرّي عقبـه الحـب توبـه=خلاص قلبي عن هوى البيض جازي