نفسي من الحرمان شربت ظماها = رويت عطش وأنا على جمة البير
فوق السراب وتحت ممطر سماها = بين الضباب وبين عج المعاصير
داخل قوالب ثلج وحره شواها = شدة براد وحرها يطرح الطير
يذوب الفولاذ نفحة سناها = من شرب جوفي سريب القناطير
يجري مع الشريان بارد لضلها = في داخل أعماقي تعدى المقادير
صرخة ندم عذب ضميري نداها = وضحكت قهر مرت تقص المسامير
أسأل ويسألني صدأ من صداها = وأنا سؤال يحير الكل والغير
أركض مع طيوفٍ خيالي وراها = ماله مدى ياصل ولاوقف السير
هيمان واعشق مرها في حلاها = وسط الغموض الصدق فاق التعابير
نفسي من الحرمان لحقت مداها = تحرقني الجمره وانا على طية البير