احمد المالكي يسأل المسرّي عن ..........؟؟؟
 

جرت هذه المحاوره في منتدى
مجالس الصقور " منتدى غامد الرئيسي "
بيني وبين الشاعر القدير / احمد المالكي " صقر تهامه "

حيث شده موضوع محاوره حدثت هناااااااااااااااا
بيني وبين احد شعراء منتدى عتيبه الهيلا الكبار

فجاء احمد يسألني عما حدث فيها
وانا استميحه عذرا في نشرها دون علمه


احمد المالكي :

ياسلام الله على غامد من أهجاس(ن) نظيفـه=كنّها البفت النظيف وكنّهـا العـذب وقراحـه
يالمسرّي شدّ حيلك والبطل مـن دون سيفـه=ودّي آسالك عن اللي صار في ذيك المساحه

المسرّي :

مرحبا بالمالكي واصحابـه وربعـه وقيفـه=توّ ما هاض الضمير وصار فالصدر انشراحه
تسمع اصوات الرعود وتسبر البرق ورفيفـه=والعدود بجمّها واللي يجـي للعـد . . ماحـه

احمد المالكي :

البقا والكلّ منّا حسـب تصريفـه وكيفـه=وان بدينا في القوافي مانقول الا الصراحه
كان ودّي بالصبيّه بينكـم تغـدي عفيفـه=هذا هو شور التهامي يالرّفاقه واقتراحـه

المسرّي :

برهن الميقاف والوقفه معك ماهـي كليفـه=والصراحه مثل ما قد قيل في الامثال ..راحه
الصبيّه يـا عميلـي بيننـا ظلّـت شريفـه=ما لحقها شي من جد الشريـف ولا مزاحـه

احمد المالكي :

الحقايق واضحه من دون شيخ ولاعريفـه=لايجي في شوكة الميزان ميله وانشطاحه !
الذي في مجلس الشّورى يطالب في وظيفه=والذيابه في عقود السّوق ماوطّت ملاحـه

المسرّي :

الرجال تميّز فـروق الثقيلـه والخفيفـه=وانت ترثع يا بعير القوم لو دربك براحه
هيه يا صقر(ن) فهذا الجو ما نلقى وصيفه=مير ما شفته فذاك المعتلى ينهض جناحـه

احمد المالكي :

الدروب اسهيّله .. غير الصدور اللي قصيفه=ياصليب الراس ياللي مانشـوف الا نطاحـه
لو بغينا نهدم أركان الجبـال اللـي منيفـه=كان جفّفنا البحـور الطاميـات أم السباحـه

المسرّي :

انت مدري ترغب شداد الجمل والا رديفـه=حدد اللي ترغب ولا تحسب الحرب استراحه
ما يهز القوم غير اللـي مواريـده مخيفـه=مثل ابو زيد الهلالي في الشجاعه والفصاحه

احمد المالكي :

ليتك ابتقتصّ في بعض الملاقى لو نصيفـه=إلا وش هي فايدتك امن البعيد ومن صباحه ؟
غلطة الشّاطر على أمثالي ترى ماهي طفيفه=غير هذي لك .. والى كررتها مابه سماحه

المسرّي :

في نهار(ن)يا عميلي يكثـر الـدم ونزيفـه=ما بقى لي دين والفارس كفاحه من سلاحـه
المسرّي لوّ مانتب يا عميل الخيـر ضيفـه=كان يمدي فوق راسك زادت اصوات النياحه

......
..

ابداع ماله حدود
..
وصحت السنتكم ....

محاوره قويه بين شاعرين

لهم حجمهم

صح لسانك ولسان المالكي على هذا الإبداع

تحياااتي

محاوره رهيييييييييييييييبه

مرزوق
الهذلي
راع الاخبار


حياكم الله ومروركم اسعدني

بيض الله وجهك على مرورك

واشكرك على الاكتشاف الجديد

المسري دائما يرقى بالابداع

صح الله لسانك يالمسري ودايما عند حسن الظن وانا اخوك وصح لسان

الشاعر : احمد المالكي .

الله يبيض وجهيكم
ونعم والله في المسرّي
ولا يهون صقر تهامه

مبدعين والله يعطيكم العافيه

محاوره راااااااائعه

محاورة رائعة

صح لسانك ولسان المالكي على هذا الإبداع

تحياااتي