ياضلعنا اللي مثل جودى مع الضال= اللي عجز كل المخاليق ترقاه
راسي كما ترسي شواهيق وجبال=وليا نصيته من عنا الوقت تلقاه
القصر عامر للرياجيل مدهال=والفكر عن بعض المشاريه رقاه
راعي اليدين اللي كما النهر منهال=الضامي العطشان من نبعه اسقاه
تلقاه فالشدات في سلم وقتال= والجود حازه ماترك منه وبقاه
عزالله انه رجل من ظهر رجال=الميسم الحامي على الكفر عرقاه
الله يصبرنا بعد شد رحال= والله يصبرنا على هم فرقاه

المشاركة الأصلية كتبت بواسطة صقرالعتيبي (المشاركة 1302303) صح لسانك ياصديقي راشد النفيعي الله يرحمه برحمته

المشاركة الأصلية كتبت بواسطة سنجار المري (المشاركة 1302310) صح الله السانك ياخوي راشد والله يرحم الامير نايف وصبر الملك عبدالله والشعب السعودي والعربي كله على فقده

المشاركة الأصلية كتبت بواسطة عثمان الثبيتي (المشاركة 1302320) صح السانك وبيض الله وجهك والله يجعله بالجنه امين