آه يادنيـا التطـور والتـقـدم والحـضـاره=
من همومٍ كل يوم الها علـي تسعيـن غـاره=
خاطري وان عاش مابين انكساره وانجبـاره=
ديرتي نجد العذيه تـورث الرجـل الجسـاره=
ساعةٍ فيها تزيـل همـوم قلبـي واستعـاره=
ليتني فيها ولـو ماعنـدي أمـوال وتجـاره=
يوم عنها رحت أظنـي ماركعـت الأستخـاره=
يامنشي المزن ياخالق بياضـه مـع سمـاره=
يطلق ثعوله تكشـف بارقـة مثـل الشـراره=
ويشتبك فيها الخزامى والنفل يشهي صفـاره=
وتسمع طيور الربيع تـردد ألحـان القثـاره=
لين شاة الشاوي اللي مـا تعبيلـه غضـاره=
ويوم كيف اللي يقول الكيف في شرب الزقاره=
عند شيخٍ صفها للضيف فـي مقـدم وجـاره=
وسط صيوانه يشب النـار للطرقـي وجـاره=
ويوم منوت من يحب المـال يبنيلـه عمـاره=
ومنوتي شوف البدو والذود والعشب وخضاره=
وسم جدانـي عليهـا ولحـدٍ يجهـل شعـاره=
والرجل بالعرف والمعروف يرفع مـن وقـاره=
مانقول إنـا كملنـا وقسمنـا قسـم النمـاره=
ظاق في عيني زماني وستوى ليليـه نهـاره=
عيشتي وسط المدينه مثـل جنـدي الخفـاره=
عايشٍ فيها بصبر وكـم تجرعـت المـراره=
عاذلي جعله لنيران الهـوى وتمـوت نـاره=
ويامجيرٍ مايخيب من مـن الذنـب استجـاره=
تفرج همومٍ سببهـا هجرتـي يـم الحضـاره=