بديـت ذكـر اللـي حمـا ساكـن الـغـار
الـلـي جـبــاه المسلـمـيـن أسجـدت لـه
المعـتـلـي عـــلام خـافـيـة الأســـرار
الـلــي مقـالـيـد الأمــــور أرجـعـت لـه
باسـمـه يزيـنـن المثـايـل والأشـعـار
والنفـس مـن صـرف الليالـي لجت لـه
أرجاه في الجنـه و عتقـه مـن النـار
فــي مـاقـف ٍ كــل العـقـول إذهلت لـه
ومن بعـد ذكـر الله يصاغـن الأفكـار
والقـافـيـة تـمـشـي لـمــن سجـلـت لـه
نصيتـهـا لمـكـرم الضـيـف والـجــار
ريـف الرفيـق وزبـن مــن زرفلتـ لـه
عـلـي لـيـا عــدو مشاكـيـل الاخـيــار
زهــا ســـروج المـرجـلـة وازتهـت لـه
حـر علـى الطالـه مواريـث الاحـرار
وكــــل الـعـلــوم الـطـيـبـة ورثـت لــه
من روس قومن في اللقاء دمهم حار
تفجر غضب جميـع العـداء لا رتكت لـه
قطـم المـحـازم لعتـلـو قــب المـهـار
تاخـذ سهـاف الشـول مـمـن غزت لـه
إلهـم مذاخيـر الفـخـر وإلـهـم الـكـار
والجـزل فــي راس الطويـلـة بدت لـه
وكـل القبيلـة كـفـو وافـيـن الاشـبـار
هـيـلا قــرارة نـجـد مـلــك إحتـوت لـه
ولا يـا علـي يومـك بخيـص وبيطـار
وعــــارف فـالأبـيــات لا وجـهـت لــه
فـتــال نـقــاضٍ بـخـيـصٍ بـالاشــوار
دكـتـور شـعـر اصابـيـعـي بصمـت لـه
ســلام مــن جــارك تحـيـه ومـقــدار
تسـلـيـم وافـــي والمـثـايـل طـرت لــه
نبغـى لنـا مـرواس والهـجـن عـبـار
وكلـن يسـوق القافـلـة حـسـب فت لـه
أمـا نجيـب مـن البـحـر لــول مـحـار
مــن غـبـت جــزل الـخـيـال أنتقـت لـه
ولا نـرد الهـجـن عــن كــل مضـمـار
وتـرتـاح مــن دربــن سـنـادٍ عنـت لـه
السالفـة ماهيـب فـي غــلى الأسـعـار
ولا هيـب فالشرهـات مــن وزعت لـه
ولا هيـب فـي حـق غـدا عنـد تـجـار
لــــو الـمـواطــن سـلـعـتـه دبـلـت لــه
العلم ماذا عوه فـي صحـف الاخبـار
مـحـدن درابــه والضـلـوع إكتمـت لـه
شـي يخـلـي صـاحـي الفـكـر يحـتـار
يــوم يتـذكـر مـــن سـنـيـن مضـت لـه
السلـم ضـاع وضيعـه بــث الأقـمـار
والشين فالشاشـات عجـل عرضت لـه
والمجتمع يمشـي علـى غيـر معيـار
وتــرك سـلـوم ٍ صـالـحـه درسـت لـه
فاللـبـس والمـاكـل تـشـوف التغـيـار
تقـلـيـد غــــرب ودولــــة خطـطـت لـه
وقـت النهـار هجـوع والليـل سـهـار
عـلـى مـلـذاتٍ خـســر مـــن سلـت لـه
أحـد وقـع فـي غـبـة الظـلـم والـعـار
والغـرب بشـروك الـضـلال إحبلت لـه
أحــد طـلـع مـجـرم وكاذب و بـــوار
والنفـس بامـر بليـس وش سولت لـه
وأحــد يـلـف إيمـيـن ويـعـود إيـسـار
ولا يـعـلــم الاقــــدار مـــــا بـيـتـت لـه
لاكـن حـط الـغـرب فى الكبد مسـمـار
مـسـمـار صـلــب والـعــرب ثبتـت لـه
يالله طلبـتـك تهـلـك ارواح الاشــرار
وتـدمـيـر الـعــدوان والـلــي نـوت لـه
وتنصر رجال الدين وطوال الاعمار
الـلــي طـريــق المـعـرفـة سيسـت لـه
ياعلي عطني شـورك العجـل ياجـار
انصـح نصايـح منصـحـن نصحت لـه
وختامهـا صلـوا علـى سيـد الأبــرار
الـلــي تعـالـيـم الشـريـعـة عـطـت لـه