سلام الله سلام المسلم اللي دينه الإسلام=وروس المسلمين وراية الإسلام مرفوعه
يقولون العرب لو بوش يذبح ماحيا صدام=ولو صدام يحيا مات بوش ومعه مجموعه

هلا يامرحبا والدين واحد والكرام كرام=وكلن فالوطن يرضيه من شكله ومن نوعه
ولا ياهل تربه وشانكم فسياسة الحكام=ياهل ناقه وهل نعجه وهل نخله ومزروعه

يكثر الطيبين اليوم ولا الطيبين العام=ومن جاه التقاعد لاقعد كوع على كوعه
يقولون الحميه فالجمل لوكان فيه خطام=وحنامسلمين يهمنا المسلم وموضوعه

نبا نمشي معك حسب المسافه والوعدقدام=وحنا نقنع الرجال مانمشي على طوعه
أعرفك فالديار اللي ورا ركبه تبن خيام=وخافنك تبى البنيان مثنيه ومربوعه

ليامنا مشينا شد من فوق الحزام حزام= ترا ماهي بطرقة يوم ولا ليل مقطوعه
حبيب لويحذرنا من البنيان مايلام=عيونه ترمش بسرعه وقلبه يضرب ضلوعه

على الله يارجالٍ تلبسون العلم لبس الخام=تبون المرجله والمرجله فالغيب مطبوعه
أعرفك للجدر تبني وجالك للجدر هدام= على وسق الثرا اللي نطق المرار جربوعه

طمعنا فالرجال وفالمرجال شرق ولا شام=وبعض الناس طماعه وبعض الناس مطموعه
تقول حلم ولاعلم عند مفسر الأحلام=مواثيق الحقيقه فيه مرئيه ومسموعه

المشاركة الأصلية كتبت بواسطة ابو راكان المقاطي (المشاركة 1299759) سلمت على النقل المميز لهذه المحاوره الفريده يقولون العرب لو بوش يذبح ماحيا صدام.......ولو صدام يحيا مات بوش ومعه مجموعه ولا ياهل تربه وشانكم فسياسـة الحكـام.....ياهل ناقه وهل نعجه وهل نخله ومزروعه

المشاركة الأصلية كتبت بواسطة ثابت الادله (المشاركة 1299786) ولا ياهـل تـربـه وشانـكـم فسيـاسـة الحـكـام=ياهل ناقه وهل نعجه وهل نخله ومزروعه

المشاركة الأصلية كتبت بواسطة ولـد الـهـيـلا (المشاركة 1300205) يقولون العرب لو بوش يذبح ماحيا صدام = ولو صدام يحيا مات بوش ومعه مجموعه معقوله هالبيت يجي من حمود ؟؟؟ < تغيّرت نظرتي فيه .. أقوى بيت ^