يالله ياعالم خفيات واســـــــــــرار=تفرج على من حمّل الهــــم قلبـــــــــــه
في غربتي ساهر لحالي وسمـــــــار=لابه ونيس ولا صــديق اتصلبـــــــــــــه
ماغير اجر الصوت والحلق مزمــار=يعزف عليه الضيق قبل استمعبـــــــــه
والصدر بين الضيق والسعد سمسار=لاخير من هذا على ذا طلعبــــــــــــــــه
وماني بناسي الي معي قومٍ اخيـــــار=ثلاثة ابناء عم واصحــــــــــاب قربـــه
لاقلت للواحد خذ الكيس ذا ثـــــــــــار=وقام يتلعن فيك من دون سبــــــــــــــه
وبرادنا والقدر قدهي على النــــــــار=من غسلة اول يــــــوم من زد غسلبـه؟
يالربع قد ذا مرقدي كله غبـــــــــار=لو ندفن اللنا ميتٍ به قبربــــــــــــــــــه
وسجادتي من فوقها يسجد الفــــار=انا وهو في حرب والحرب حربـــــــــه
واجدارنا يالربع ذا ماهو جـــــدار=سوالف العشاق من كل حسبـــــــــــــــه
مكتوب حب وكذب وانفاق واعـــذار=افطر معى مشراقة الشمس كذبــــــه
واضوي ظهر مع حارق الشمس محتار=امكيف الغرفه من اللي لعبــــــه
وذا ترمس الماء ليش ياربعنا حـــــار=حتى لوانه احمــــار ماكان شربـه
لا والله الا غربـــة الستر يــــــــاداار=ياليتني ارجع داري بوسط خربــــه
ماعاد نبغاها دراسه والاشـــــــوار=منها نعود الــــــدار من دون غربــه