وحشًم الطيب صدوق المواعيد
 

ياحمود يابن العم انا اسمع وكذبت = حتى عيوني شافت اشياء بتأكيد
مما نشوف ونسمع اليوم انا ارتبت = يعض المواقف تكشف الرجل وتفيد
وعن مجلس اهل القول والقيل جنبت = اللي مجالسهم تلم الهرابيد
وانا لمن هو ينقل الهرج مندبت = مندبت له مرسول ومفارقه عيد
اخاف من كلمة فعلت وتسببت = حشمة ارجال ينقلون البواريد
وربعي ليا جوني على الطيب رحبت = وحشًم الطيب صدوق المواعيد
واليا دعاني مثل شرواك وجبت = تقدير مثلك يرفع الراس ويزيد
ياحمود بن خيشوم بالماقف اثبت = وقفة رجال تلطم الخصم وتكيد
وهاذي لكم من جد يوم انت ماغبت = ماغبت عن ماقفك ترسي كما الحيد
ولي يبا كلمة لغاء خبت ماطبت = ماهوب من ربعك وياعله بعيد


عبدالله بن دهيران العصيمي

" الرجاء من مشرف القسم التنسيق البوكس معلق"

صح لسان يابو محمد



شاعر وقفات ووافي صح لسانك وبيض الله وجهك


لك تحياتي

صح لساااااااااااانك