قصيدة من بقعاء إلى وادي الرشاء (مغايره غاروا على الطيب لابه)
 

(مغايره غاروا على الطيب لابه )
قصيدة من الأساعدة في بقعاء إلى ربعنا المغايره في وادي الرشاء عموماً
وبالتديد الأستاذ : حمزه بن عبيد المغيري ( أبو صلاح )وجماعته
للشاعر/ عبدالهادي المنيع الأسعدي

ــــــــــ

/

القصيدة بصوت الشاعر

صوت 010.3ga - 821.42 KB

9 ـ 6 ـ 1433هـ

بندر سعد

شكراً لك على المرور يالغالي
لاهنت لاهنت

ذعير العالي

صح بدنك وتستاهل كل خير

قصيدة عبدالله النافع المغيري العتيبي .
رداً على قصيدة الشاعر : عبدالهادي المنيع الأسعدي العتيبي .


حي الجواب وحي علم(ن) لفا به
نوادر(ن) سطر بها زين الأمثال
يامرحبا تعداد وبل السحابة
وإعداد ما واد(ن) من السيل قد سال
وإعداد نبت الورد في كل غابة
وغصن(ن )ليا ناشه نسيم الهوا مال
وإعداد ماساج القلم بالكتابة
وسطر على القرطاس من جزل الأقوال
خط(ن) لفا من صاحب (ن) ينتخا به
قر م(ن)تعلى المجد في كل الأحوال
ابن منيع اللي عزيز(ن) جنابه
امعرب ما بين عمان وأخوال
من لابتن يا حي واعز لابه
حطوا لهم في قمة المجد منزال
مشروبهم عدن قراحن شرابه
وان قصرت الايدي يمانيهم طوال
ربع(ن) على وقت الخطر والحرابه
مسجلين الهم تواريخ وافعال
وليا لفا وقت اللقا والمجابه
تقدموا مابين رجلي وخيال
الأسعدي وقت الجهل يندعى به
عدوهم يونس عظيمات الأهوال
وصديقهم محشوم قدر ومهابه
مع رفقت(ن) مجلاسهم يشرح البال
ودلال رسلان(ن)وعود ورحابه
وحيل(ن)تقدم للنشاما بالأموال
أساعده والطيب ماهو غرابه
متوارثينه بينهم عبر الأجيال
ابيوتهم امشرعات(ن) ابوابه.
في دار بقعا للأجاويد مدهال
الله يجنبهم دروب النشابة
ويدلهم للصالحات من الأعمال
ويرفع منازلهم ويجزل ثوابه
ويديم حب الخيرين من الأبطال
وختامها صلو على المقتدى به
الهادي اللي جا من الرب مرسال