ديوان الشاعر: سالم السناني الجهني. ابو سحايب
 

قصايد لشاعر ابو سحايب مشرف منتدى الشعر في منتديات جهينه نت .


الله عـلـى اللـي نــهـدهــا مـا بـعــد نــــيـــش ******** مـصـيـونـةٍ مـا نـاشـهـا غــيـر يــدهــــــا

الـعـمـر عـشـر وســبـع فــوقـه تـنـاتـــيـــش ******** وحــيـــدةٍ لا قـــبــلــــهــا لا بــــعــدهـــــا

عاشت رغد ما حســت الـزهــد بالعــيــــش ******** نــاعــم جــسـدهـا مـن نـعـومـة رغــدهــا

الـيا مشت تمشـي على الارض بـشـويــــش ******** تـشـوف رسـمــات الــنـســيـم لـجـسـدهــا

تاطا عـلى الـديـبـاج خـــطـوة بـتـنـعــيــــش ******** و تـنـسـى اسـم شغـالاتـهــا من عــددهـــا

مـا زوعـــوهــا مـبـعــديـن الـمـنـاطــيــــش ******** عـاشــت لــيــالـي عــزهـــا فــي بـلـدهـــا

و لاهي من اللـي تـنقـش الـكـف تـنـقـيــــش ******** تـاخـذ نـعـومــة كـفــهـــا مــن نــهــدهــــا

و لا ركبت رمــشـاً صنـاعي من الـريــــش ******** حـور الـعــيــون اللـي تـنـاطــف بـردهــا

ســــود الـمحاجـر من سـواد الـمـراعـيــــش ******** ســواد عــيــن اللــي تــعــلـى هــــددهـــا

تــزحـم مـنـاكــبـهـا سـحـابـاً نــشـانــيـــــش ******** مـخيـلـــةٍ بــرق الـحـيـاء فـي رعــدهـــــا

بأرضـاً خـلا ما صبحوهـا الطـــراريــــــش ******** و لا مــدوا الـبـرقـع على اللي مــهدهــــا

ولـبـة نحرهــا مـا غـطتـــهـا الرشـاريـــــش ******** بــياض مــاس اللــي تـــلامــع عـقـدهــــا

اليا اقبلت جـتـنـي مهـابـه و تـشــويــــــــش ******** واليـا ادبـرت نـفـسـي تـزايـد نــكــدهــــــا

الـقـلــب مـنـهـا فـيـه رعـــدة و تـرعـيــــش ******** لـو تـنــعــبــد مـن دون ربــــه عـــبـدهـــا

حـنــت ضـمـايـرنـا عـلـيـهــا مـعـاطـيــــش ******** حــيـام غــب و ربـــع تــبــذل جــهــدهـــا

دونــه مـسـافة تـتعـب الخـيـل و الـجيـــــش ******** و لا كــل مـن دور لـحـاجـة وجـــــدهــــا

و لو كـل شـوكـاً نـطـلـعـه بـالـمـنــاقـــيـــش ******** لــقــام حــظ الـقــوم يــطـلـع سـعـــدهــــا

و لو الهمـوم تـنـهـش الـقـلــب تـنــهـيـــــش ******** يعـرف حـمـول الـقـافـلـة مـن مــددهــــــا

ويالبنـك لو نصرف مـن المال حتى أيــــش ******** ما هــو خــسـارة خـسـر مـنهــو فـقــدهــا




.................................................. .................................................. ................
منـسـاك لو يسكـن ولد بـوش بالعـيـص **** و سـنـان تـذبـح له من الـذود مـلـحـــا

وشيراك يزرع بين عـسفان وخـلـيـص **** وتـسرح كـلنتون بالغـنم غـرب رفحـا

وكوزي مع الساحل يـدور المـقـانـيص **** على ظـهـور الـهـجـن هدلا و سمحــا

الصبح بين خـمال والحـنـو وعـويــص **** و العـصر بالـجـولان و يـهـد فـلـحـــا

وبوني يلخص حامض العلـم تلخـيـص **** و تـونـي بـلـيـر يغازل البنت وضحــا

عـلى حــدود الـشــام ويـدور الـنـيــص **** اللي عـلـومـه تـجـرح الـقـلب جـرحـا

واللي يـنـقـص وزعـة الجـار تـنقـيـص **** فـدوه لـخـد و رمـش وعـيـون شقحــا

ليتك طبـيب تـشخص القـلب تـشخيـص **** تـلـقـى مـحـبه تـشـرح الصدر شرحـا

.................................................. .................................................. ...
يـا مـسـافــر بـدربـك رافـقـتـك الـســلامــه *** رد رجـــلك بدربك بالـطـريـق الإجــبـاري
كـان هاج الـبحـر غـرقـت سـواحل تـهامـه *** و أصبـحـت كارثـة تعلـن عليها الـطواري
غـرقت رجـومـهـا وعـيون زرقـاء اليـمامـه *** و المـقدر مـن الـخـالـق على العـبـد جاري
راس مـكـشوف ماغطـت عـليـه العـمـامــه *** يـنـكـر الـتـرمـذي و الشـافـعـي و الـبخاري
لايـسـوي بـصـف الـمـؤمنــيـن انـقـسـامــه *** يـزعــل أبـو هـريرة و أبـو ذر الـغـفــاري
كان يبـغى الحـصان اللي يـقود الـجـهـامـه *** لا يـتـذرى بـشـجــره مـا وراهــا مــــذاري
اطـلــب الـمـوت يا راســاً بـلـيـا كـــرامــــه *** ويـن راس المعـادي يا رصاص السـواري
عـلم اللي بـدرب السيـل نـاصـب خـيـامـــه *** ساحـب أطـنابـها في ظل جـسـر الـكـباري
عـض الإبـهـام ما يـنـفـع بـوقـت الــنـدامـه *** والـرعـد والصواعـق مع هـبوب الـذواري
ما نـلـوم الغـشـيــم اللي حـيـاتـه غـشـامـــه *** لـو نـحـده لــدرب الـطـيـب ماهـو بـــداري
واحـداً مـا يـفـــرق فـي حـلال و حــرامـــه *** مـا نـصدق عـلــومه فـي قــنــاة الــبـــراري
مـحــتـزم بالـقـديـمـي و اللـغـم بالـعـدامــــه *** و لو يـثور اللـغـم راحـت فـعـول الـشباري
لا يـوخـر شـــداد و لا يــقــدم مـســامــــــه *** لـو يــبـاريـه مـع كـل الـدروب الــمـبــاري
مـالـقــيـنـا على ظـهـر الهـزيـلــه سـنـامـــه *** غـيـر ضرب الهـزل بجـنـوبهـا له مـواري
زل كل الحـواجـز و انـكشـف مـن كـلامـــه *** ضاري الزور لايمكن على الصدق ضــاري
وفـاعل الطـيب ما تـشـره عـليه الـمـلامـــه *** مـثـل فـعـل الـنـداوي لا درع بالحــبــــاري
مـيـزة الـمحـتـرم يـفـرض عـلينا احتـرامــه *** مـا يـسـوق الـرديـه بـيـن بـايــع و شـــاري
عشت وأموت مامشي في دروب الرخامــه *** ويـن خــتــم الإدارة يالـسـجـل الــتـجـــاري
يطـلع الفرق لا قـامـت عجاج و عــسـامـــه *** بين سـبـع الـنـهـار و بين سبـع الـغــــداري
.................................................. .................................................. ....................................

تـحـرك بـراكـيـن الـحمـم قـمة الهوجـــاس **** مـثـل هـزة البـركان للضلـع و الحـــــــره
قضيـنا لـيالي بـيـض بين الرجـاء والـيـاس **** وحـلا بيـضهـا ما يـعـادل السـود والمــره
مع العـالم الـثـالـث نـقـيّـس بـدون قــيـــاس **** و مع العـالـم الأول طـلـع عــالـم الــــذره
مـصيـبـه إلـيـا قـيـمت حـياً قليل إحـســـاس **** تـحصـل مـعـرفـة جـاهل الناس في صره
بعـد مارفـعـنـا قــيمـتـه بـيـن كـل الـــنــاس **** يـدور الـزمــان ويتــبـع الـنـاس بالـجــره
ضميــر الرديه مـا يـدور على الــنــومـاس **** لـو إنـك تـحـزمه للـجـزيـلات وتــجــــره
ليا حس بعض الناس في نقص مع وسواس **** يــخـاوي صغـار الـقـوم ويبـيح في سـره
نبي نـاصـلـه لـو حال دونـه قـوي الــبـــاس **** وسـلـم الـريــال يــزيـن الـوجـه بالـغـــره
لاغطى نهود البنت صوغ الذهب والـمـاس **** تـبـي تـلــزم الـثـعـبـان بالــكـف وتــفــره
تخـيـل مناشيـها ويـنـطـش لهـا الـعـســـاس **** تـهـلـع رعـوده و الـهـمـالـيـل مــنــثـــره
صبـرنـا و وصـلـنا والسبب منك ياعـبـاس **** سـمـعـنـا تـــدور ثــار لمـحـمـد الـــــدره
فروخ الحنـادي ناظرت صيـدة الـقـرنــاس **** و منـاقـيـرهــا تــومي لحـنـكـان مـجـتـره
نـصفـق لشايـب هـف فـنجـالهـا و الـكــاس **** غـزا الـرافـديـن وهــدد هـذيـل بـالـمــــره
ألا واعـذابــه يـــوم تـلـفـظ به الأنـــفـــاس **** الأقـدار في خـيـره و الأقــدار فـي شـــره
عسى الله يعز المملـكـة و الـعـلـم نـبــراس **** تـحـت حكـم عـوداً يلـبس الثوب و يــزره


.................................................. .................................................. ...................................
بدينا بذكر اللي سجد نا بحكــم ارضــــاه **** حكيماً حمى بيته من الفيل و اصحابـه

عليم السراير كل حياً يحسب خطــــــــاه **** عليماً رفيع الشان ما خاب طلابـــــــه

على راس رجم الشعر نبدي ومن مبــداه **** ودخلنا على شعر الضماير مع أبوابه

خوي الرخاء لا تعتــزيبه و لا تـنـخــــاه **** عزومه رديه و المواقيف غصابــــــه

يسحب علومه فوق مركا ماهو مركــــاه **** كثير المهاتر صايب العلم ماجابـــــــه

يبي كحل من ماجوس دلهي ومن حنـــاه **** يحبه مثل حب المسيحين للبابــــــــــه

لو إنه قريبك عز نفسك تعيش بــــــــلاه **** أنا اقول شعري واطلب الحكم وارضابــه

عليك بخوياً لانخيته يجيب اقصـــــــــــاه **** نداوي تبين ضرب يمناه مخلابـــــــه

قبل موت غانم حزم ذياب في شلفــــــــاه **** وحذف رمح في صدر الخفاجي ولاصابه

ليا شفت لي مبلي تعوذت من بلـــــــــواه **** عسى الله ما يبلى الاوادم بلوابـــــــــه

بلاني بشوف اللي ندور على فرقــــــــاه **** وروحي على شوف الرجاجيل جذابـه

عسى هيبة السرحان ترجع بقلب الشـــاه **** يطالع بها من خوف و يكشر انيابــــه

حداه الشواوي عن نعاجه و جر عــــواه **** رفع له نظام الامن و انكف لمرقابـــه

ورجع راعي الماعز يسولف على معزاه **** قضينا على سرحان و يهز مشعابــــه

.................................................. .................................................. ..........................
نـيابـة مـرحـبـا ويقـولهـا شاعــر من الجهـنــان **** عن أهل أم الحمام و كل عزوه دون عانيهـا
نـرحبه تـراحـيـب الـثـراء و الأرض للــهـتــان **** بعد هل ومطر و أجزل وتبرق من مناشـيـها
تـباشـرنـا بـشـاعر بـحر موج و غبـته طـوفان **** تفيض قـلوبنـا مـالـومـها التـرحيب مالـيهـــا
نعم معروف ابو غازي بشعر وماكر الشجعان **** اليا قصرت حبال الطيب ابو غـازي يوفيهـا
ليا عـقـلتهـا و ثـنيـتـهـا تـبـرك على المـرحــان **** متى تـاصـل لسامعها و كاتـبـهـا و منشيهــا
لصار الحكم يالقاضي بحـق و شوكة الـميزان **** أمـيـز حـكمها لا صدرت من عـند قـاضيهـا
ابهدي لك بيوت من الـذهـب من غالي الأثمان **** عليها ختم مصنعـها و تصدر من مصافيهــا
أنا أنظرفي بيوت الشعر في معنى وفي برهان **** أمسـيها و أصبحـها و أسرحها و أضـويهــا
بيوت الشعر أهـندسها و أقومها على سـيـسـان **** و لو طال الزمان جسورها تـحمي مبانـيهــا
تحت سيسانهـا صم الصفـا و أركانها ضلعـان **** كما جـبـال السـراه اللي ترسيـهـا رواسـيهــا
على عصر النبوة نوفي الناقـص من الـملـيـان **** حقـايـق بالحـجـاز بمعجـزه نحمى تواليــهــا
رجـال أم الحمام و كـلنـا وقت اللـزوم أخـوان **** لـيا بـان اللــزوم السـابـقـه تـطـلـع بــياديـهــا
نـسوم أرواحنا من دونـهـا بالحـق و الأيـمــان **** نـسـوم أرقـابـنـا فـــدوه لحاكـمهـا و والـيهــا

.................................................. .................................................. .................................
يا بكر أدور بكـورة الأرض و ألــــف ****** و أمرض و أطيب وعلتي في دوايـه

يا بكـر وجه الزيـن يـوم يـتـكـاشـــف ****** بــــراق وســمـيــاً تـغـشـى ولايـــــه

قلبي معـه يا بـكـر طيراً على كـــــف ****** أقـلع بـقـلبـي عـن جـمـيـع أصدقايــه

لو أوصفه يا بـكـــر ما ينـتــوصــــف ****** وصـف الـغـزال اللي عـليه الحـمايـه

ريمي تذير فوق ريعــان و أشــــرف ****** سمع الصليب و صوت صفر الحذايه

و مسـرحاتٍ فـوق الأرداف تــــردف ****** أذيـال شـقـر مقـابــــلات الـغــزايــــه

لا ضفته من فـوق الأمتــان ينـضــف ****** و لا هـلـتـه غـطـى سـواد الـعـبـايــه

سحــر الجمال بحـور عينه تناطـــف ****** قربه نظـر عـيني و بعده عــنـايــــــه

عـين العديم اللي طـلـع بعد ما صــف ****** كـفـو و فعـلـه مثل فـعـلك كـفــايـــــه

وشاعر علم من فوق الأعلام و يرف ****** ما هو شعر تصويت و لا دعـــايــــه

لارسيت جنبي ضلع مرسي على قف ****** وروس الرواسي في سماك وسمايــه

وأنته تعرف إن الهوى سهوم تخطف ****** و رجـال مثـلك مـا يبـيـلـه وصايــــه

الجرح من فرقــاه يا بـكـر يـنـــــزف ****** و إن مـت مـن فـرقـاه تـعلن عزايـــه

بيني و بينه علم مــبني على شــــــف ****** و عـلم الشرف ماهـو علـينا جـنـايــه

وشرواك في حكم المواقـف يـشــرف ****** و جيب الصواب وردني عن خطايــه

إما ادورلــي عـــلاجـه و تـــاقــــــف ****** و لا تـقـنـعـنـي بـدرب الـــوقـــايـــــه

اخر عـهـد يرسل رسايل و يحــلـــف ****** و نقص على صح الحديث الروايــــه

يا بـكـر ما يرحم قـتـيـله و يـعـطـــف ****** هـجـر و هـجـره صار مـاله نـهـايـــه
.................................................. .................................................. ............................
تحكـم القـصـيـده كـلـمـة الـحـق و الإبــــداع ****** بعد حـولـت في غـبـة الشـعــر و بــحــوره

قـصيـده بها طـمـعـه و يطـمـع بها الـطـمـاع ****** على حـروفـها رمز الإشارات مـحـظــوره

تهيض يا شعر النظم شوف الدروب وسـاع ****** تسلي خواطر من هوى البيض مـكـســوره

ابسأل نجـوم الجـدي عن نـجـمـة المـربـــاع ****** بعد ماخـتـفـت عن عـالم الـكون و الصوره

منـازل كـواكــبـها تـغـيْــب عن المـطـــــلاع ****** بعد ما غـطـاهـا سـهـيـل بالـجـو في نـــوره

صحيح الذكاء لأهل الذكاء والعقول أنـــواع ****** أحــد قــدمــه دوره و أحـــد وخــــره دوره

افـكـر واهوجس وافـقـد الــذاكـرة و رتـــاع ****** و اشــوف الـحيـاة احـلام ووهام مـــغروره

سـفـيـــنـه لها ربــان وإلهـا عـلـم وشــــراع ****** تواصل مسـيرتها و الأحــداث مـنـشــــوره

على متـنـها شفت الفضاء و الثـراء و الـقاع ****** و تعلمت درس(ن) ما شـرح لـي بـسـبـوره

وتذكرت حلمي و الحياة أصلهـا اسـتـطـلاع ****** مثل ما يـقولوا كـلـمـة الـحـق مـنـصــــوره

و ذكـرنـا الـوداع اللـي بـوقـتـه يــقـال وداع ****** وداع الـقــلـوب اللي من الجـور مــقـهـوره

و نـادو علـيه أخر نــداء مـــوعـد الإقـــلاع ****** أخذ بـوردنق و خــتـــمـــولـــه بـسـبــــوره

.................................................. .................................................. .................................................
الأرض جـفـت و الـضحـايـا الـملاهـيـف **** صاروا يحسـبـون القصيـرة طـويلـــه
و عـيناً بـدت في رجـم بيـن المشـاريــف **** رجـمـاً تـعـلـت بـه و رجـمـاً تخيـلـــه
و رورس الرواسي تنكر القيظ و الصيف **** و هـبـوبهـا عـلاج الـنفوس العـليلـــه
كم من هـنـوفاً قـالـت الصيف يا جـنـيـف **** و دمـوع فـرحـتـهـا على الخـد نـيلـــه
يـنــثــر يــبـل لـسـانـهــا للـغــطـاريـــف **** ومـازاد يـرجـع للـعـيـون الـكـحـيـلـــه
إن فـاض مـا يحـسـب عـليـنـا تـكالـيــف **** شــراب صايـم شـربـتـه في صمـيلـــه
و در البـقـر لو كـان يرعى من الـريـف **** إليا رضـع عـجـلـه يـطـالـع حـسـيلـــه
وإن أخـطـت الـديـرة مـزونـاً مـراديــف **** تـقــفــي مخـيـلـه ثم تـقـبـل مـخـيـلــــه
وإن أمـحـلـت ما نـردهــا للــتحـاسـيــف **** وصارت حكاية ألـف لـيـلــه و لـيـلـــه
نـحـيـل بالأذواد ما نـقـول يـا حــيـــــف **** و ننـزل على بــراق بيـضـاء نـثـيـلـــه
والنفـس عـزتـهـا جـبـال و مصايــيـــف **** و الله يــذل أهــل الـنـفـوس الـذلـيـلـــه
و راع الكرم عينه على خاطر الضيـف **** وعـسـى الشـلل فـال اليـديـن البـخيلـــه
جتـكم قصيده من مـحـبـه و تـشـريـــف **** الجـيـش يـا هـجــان هـــدلا الأصـيلـــه
رمز الرسالة ظـرف بين الـمـظـاريــف **** وكـلاً عـلى مـغــزاه و يــشــد حـيـلـــه
تصعب على شاعـر يغني على السـيـف **** و سـهلـه لـشاعر عن بالشـعـر خـيلـــه
أربـع بيـوت الحـل لا جت على الكـيـف **** ولا بـه حـديــث إلا يـــورد دلــيــلــــه
نـبغى الإجـابـه حـد من سـلـة الـسـيــف **** و يـبـقـى هـدفـهـا داب تحـت النـثـيلـــه
و ترى هـماج الهـرج كـثر السـواليــف **** و عن سرد كـثر الهـرج يكـفـي قـليلـــه

.................................................. .................................................. ..........................
يا نـسيـم الصبـاح اللي تـسـوقــك هــبــــوب **** ثلجي جوف صدري يا هبـوب الصـبــاح
كان عـنـدك دواء للـجـرح و يـســد نـــــوب **** عندي أكبر وقـايـه عن سـمـوم الـذحــاح
لا تحـسـب الـذنــوب الله يـغـفــر الــذنـــوب **** و لو يطيح العلم ما نقـول للـنـاس طــاح
كان تطلب اسلوب الحب عـندي اســـلـــوب **** و من شرب من فرات النيل ذاق القراح
و ما يفـيــد الـتـفــاهـم و الغـثـث بالــقــلـوب **** و القـلــوب النـظـيـفه نبـضها بالـنـصاح
ومع اسلوب الـتـفـاهـم ما تضيـق الـــدروب **** و ابـشـري يالـحـيـاه الـطـيبـه بالـنـجــاح
ولو شكينا غــرامك فوق روس الـشـعـــوب **** ثـارت شعـوبـهـا في جـد مـاهـو مـــزاح
ولو نشوف الصواعق في ثقيل الـنـــصـوب **** حب ما به شـرف بين العـرب مايـــبــاح
وفرض هرج الصراحه له حساب محسوب **** و الصراحه تحـكـم الــراي و الاقــتـراح
إن مـشـيـنـا شمـال البـنـت راحــت جـنــوب **** وإن رجعنا جنوب أصبح هجاد و صباح
اسـمـعـي و افـهمي ماني عليك مغـصـــوب **** ما نـحـب الـدفـاع إلا لـحـكـم الــكـفــــاح
لا تـلـيـن قـلـبــي يالــغــــزال الــنــصـــــوب **** تـلـة الحـبـل راس مـقـيـط و مـقـيـط راح


.................................................. .................................................. ..............................

السلام عليكم ورحمة الله وبركاته
تحية عطرة لإخواننا في منتدى قبيلة عتيبه*
القبيلة التي لها مكانتها الرفيعه بالجزيرة العربية *قبيلة تستحق المدح والثناء
و اشكرهم على إتاحة الفرصة لنا لنكون بين اعضاء منتداهم الشامخ

اخوي الصقيل
بيض الله وجهك والله يعطيك العافية
والشاعر الكبير سالم السناني الجهني (ابوسحايب)
الناقد الرسمي ومشرف منتدى الشعر في منتدى جهينة نت
شاعر معروف وقصائده تدل على قوة وجزالة شعره
واسمح لي ان أساهم معك في وضع بعض من قصائده الاخيرة
وهذا بعد الاستئذان من إدارة منتدى قبيلة عتيبه الموقرة ومشرفيها الكرام
تقبلوا مروري وتحياتي

أطرح لكم هذه القصيده من ذكرى مقناص حصل قبل ثلاث سنوات
وبمناسبة قرب مقناص الطير هذا العام تم تصوير الأبيات من واقع
عسى أن تنال إعجابكم

( شــهــــادة نــشــامــا لـلـصــواريــم عــشــاقـــه )


لـيـالـي قـلايــل تـطـلـب الـطـلـع يــــا عــــــزام **** عـلـى درب وسـمــي يـنـبـت الـفـقــع بـراقـــــه
بقيـلـه مــن المقـيـاض عـشـره وتـسـع أيـــــام **** وبقـيـلـه شـهــر بـالـجــرد و يــتــل مـسـبــاقــه
ابـوصــف لــكــم عــــزام و الـسـابـقـه قــــــدام **** راع الصـنـف يـعـرف صمـلـة الـحــر بأعـمـاقـه
عـلـى نظـرتـه نـظـرة فـهـد لاخـتـلـف صـــــدام **** ولــو إنــه سـمــع راي الـفـهـد قـفــل الـطـاقــه
أمـيــر الـحــرار الصـيـرمـي نــادر وضــرغــام **** عــريـــض الـثــنــادي و الـمـخـالـيـب فـتــاقــه
يراهن علـى لحـوق المعاشيـر عجـل شــــمـــام **** أصــيــل الـمـواكــر حــــر مـايـخــون مـيـثـاقـــه
لا هــــدوا قـرانـيـسـاً عـلـيـهـا نـجـيــر الــعـــام **** وصـدت ثــلاث وحــوش مـاهـي عـلـى فـاقــــه
رفـعـنــا لـــــه الـبــرقــع ونــاديـــت بــالالـــزام **** لـحــاق لـهــداد و يـشــرح الـصــدر ملـحـاقــــه
و اخـذنــا رقـــم عـــزام مـــن مـيــزة الارقــــام **** وشبكنـا جهـاز بسـبـق يـاقـف عـلـى ســـاقــــــه
وتعرض شعاع الشمس و الريش شب لـحـــام **** وتـنـحـر شـعـاعـاً يـجـهــر الـعـيــن مـشــراقــه
وطيـنـا الـوعـر والـقــاع فـيـهـا درق و أكــوام **** ومعـالـيـق قـلـبـي بـيــن الاضــــلاع خـفـــاقـــه
و حنـا علـى الـلـي يلـحـق الطـيـر لـنـه حـــــام **** يـخــم الـقـطـوع ولا ارتـعــد قــلــب ســــواقـــه
و لحقهـا وخلـى فروخـهـا مــن بعـدهـا ايـتـــام **** و درع فـي خريـش الجـول والخـرب و رفــاقـه
و كسب من صقاقير الولـع قـول سبـع أنعـــــام **** شــهــــادة نــشــامــا لـلـصــواريــم عــشــاقـــه
و ترى اللي حصـل واقـع بعيـداً عـن الأوهـــام **** شـــهـــود الادلــــــه بـالـمـواثـيــق ســبــاقـــــه



( مسكه نشا و العود الازرق سحابـه )

تبرق بروق الشعر من قلــب و لـسـان **** و يـضوح بـرقـه لا تـزاحـم عـقـابـــه
يرجف مع الغربي مثل رجف الاكوان **** وقطّف هواء مـزنــاً تـهـلـع ارقـابـــه
وبـلـه زبـاد وعنـبـره ديـــم هـــتـــــان **** و مسكه نشا و العود الازرق سحابـه
و ريحة هبوبه ورد وفـنـون ريـحـــان **** يستقـبـل البـشـت الـحسـاوي طـيابـــه
بشـوت فـوق مـتـون وافـيـن الايـمــان **** ربعـي جـهـيـنــه لابـتــاً فـوق لابــــه
جهـنـان لا قـالـوا مع الـقـوم شـجـعـان **** وتاريخـهـم وقــت النـبـوة صـحـابـــه
رجالهم يـسـري مع الـذيـب سـرحــان **** و يـقـطـع خـرايـم فـج تقـنـب ذيـابـــه
يا مـا غزينا فـوق ريـمـه و ريـــمــان **** و يــا مــا غـزونـا مبعـدين الطـلابـــه
و ياما كسبنا اذواد حـلـوات الالــبـــان **** وكم ذود مـنـا حـال دونـه ســـرابــــه
و كم يوم سمـنا فيه صـعبات الاثـمـان **** يـومـاً يفوت و يـوم جـبـنا الـكـسابـــه
و بالجـاه فـكـيـنا مسـاجـيـن الاوطــان **** و طلـبـة سـعــد عـند الولي مستجابــه
لاقـام حـظ اللـي لهـم بالـوفـاء شــــان **** الاولـه سـيـف الــســعــد من نصابـــه
ما يضيع حق ومن وراء الحق ديـــان **** و من طق باب الـناس وصلوا لـبـابـه
لو قلت أنا صايب و لو قال غـلـطــان **** عـقـل الرجل يعرف خطاه و صوابـه
ترفع بيوت الـشـعـر مـيـده وعــمـــدان **** وان حـل بنـيـه سـاس بـنـيـه خـرابـــه
يقولها اللي نـظــرتـه فـوق الأعـيـــان **** و شـوحـه لـرجـمـاً نـايـفـاتاً هضابـــه
وأرسل تهاني عـيــد و العـيـد سلـوان **** معــايـــده للـمـعـرفـه و الــقـرابـــــــه
فات رمضان و فات رجب و شعبـان **** وشوال جاب العـيـد و العـيـد جابـــــه

( قـالـت عـلي صالـح طـرد سـالـم الـبـيــض )


أطـلــبــك يـالـخـالــق عـلـيـك الـمعاويــض ******** حــان الآوان و فــات وقــت الــتـلاقـــي

و أنا تحت شمس الضحى بحامـي القـيـض ******** و تقوى عـزومي من علوم الـطـراقــــي

و تنهـش عروق القلب روس الـمـقاريــض ******** و أضحك و لا كني عــن الوضع شاقــي

و نـاديــتـهـا و الـعـلـم مـا فـيـه تـرويــــض ******** و هرج الشـرف ما حـال دونـه رواقـــي

تـبـرى مـظـاهـيـر الـدبـش بـالـمخـاويــض ******** وضحى و تتـبع وضـح خـلـف الـنياقـــي

يـا زيـن لا تـفـرض عـلـيـنـا الـمـفاريـــض ******** ضاق الـفـضاء و الـقـاع يا بنت ضاقـــي

و اللي يغيضك يا أشقر الراس و يـعـيــض ******** لـه فـي مـعـالـيـق الـضـمـايـر مــراقـــي

وأقـفت تنـقـضهن على الـمـتـن تـنـقـيـــض ******** الله عـطـاهــا مــن سـبـيــب الــبـراقــــي

قـالـت عـلي صالـح طـرد سـالـم الـبـيــض ******** و حـبـي و حـبـك صـار فـيـه انـشـقاقـــي

و بـوش أخو بـوشه حمض العلم تحميــض ******** جـانـا بجـيـشـه و اسـتـحـل الـعـراقـــــي

و صـدام مـا بيـن الـقــلـوب الـمـغـاويـــض ******** غـــدى ضـحـيـة للـحـسـد و الـنـفـاقــــي

صابر و يـبـلـع و يـتجـرع مـن الـغــيــض ******** و يـثــر عـلى كــبــده لـذيـذ الـمـذاقـــــي

ورجعـت افـوض بـاقـي الـعـقـل تـفـويــض ******** وشرهة هواجـيسي على عـظـم سـاقـــي

و ذكـرت بـالـمـرباع صيف الـمـقـايـيـــض ******** و بــان الـيـبـاس بعـرق عـوده دقـاقــــي

هـذا اعـتـرافـي فـوق بـيـض الـمعـاريـض ******** لا خـربـت الـصحـبـة دواهـا الـفـراقـــي

( يقـول أنا شريف وقلت كل العاشقـين أشــراف )


هلا باللي نظر عينه جذب فكري و مر وطاف **** مرور خيال صافقته هبوب و مرني غـيـمـه

نظـرعينه شعاعي يدخـل الأجسام ما ينـشــاف **** دخل قلبي شعاعه واختلف نبضه وتقـسيـمـه

نحيف الخصر ثقله في بروزالصدر والأرداف **** طويلة عنق عازل زين الخـلاق تصـمـيـمـه

خدود محصنه فيها من انواع الجمال أصنـاف **** شفايف تكشف العاشق بعشقه قبل تـسـلـيـمـه

وقعنا في غرام أم الغرام و ضامر السـرجـاف **** حصرنا في حصاره والتزمنا في مـلازيـمـه

يقـول أنا شريف وقلت كل العاشقـين أشــراف **** شريـف بحال و بحال الشرافـه مـالها قـيـمـه

قـرينا بالكتاب اللي نـزل في سـورة الأعـراف **** يـقـربـنـا ثـمـر حـلـه و يـبـعـدنـا بـتـحـريمـه

نبي رد الصنايع بالصنايع في رضا و أسلاف **** يطـيـشـنا بحـبـه والطياشـه زاحت الشـيـمــه

اريح حرف بسكونه وأشد حروف سين وقاف **** اثبت للحروف رمـوز في وزنـه و تـقـييـمـه

احسب الحلم صايب والحلوم تخالف الميقـاف **** وصحيت من الدهش والحلم ماتمت مراسيمه

سلـوك العاشقـيـن يـلـفـهـا بالعـولـمـه لــفـــاف **** مدام العشق قاتـل قـلـب صيحو يا مـظاليـمـه

زمان الخوف والاقدام في ميله على مهـيــاف **** تقود الخيل شقراء واقدمي بالجيش يا ريـمـه

اشـوف التـاليه متـقـدمه و القـادمـات خـــلاف **** مشى فينا القـدم و الـوقت به لـفـه و تـقديـمـه