رحــلــة عــمــر...!
 

السلام عليكم ورحمة الله وبركاته



ركبتلي في مركبٍ تو ياقف
من رحلةٍ ياكثر فيها الصوادف

رحلة غريبٍ عن دياره امعنا
شاف الحياه ومر بعض المواقف

وشاف الزمن في وقفته وانقلابه
وشاف المصايب فوق راسه تحاذف

وشاف النهار وشاف سود الليالي
بالقيض مات وفالصقيع ايتراجف

ليلٍ يلاقي فيه بيتٍ وماوى
وليلٍ عليه ايفوق حد الرهايف

رحله مضت عامين مع عام زايد
ثم زادها عامين بٍعد وكلايف

وجرب من الاصحاب ذولا وذولا
وان خاب ضنه مالتفت للحسايف

عمرٍ مضابه بين ديره وديره
في عيشته شاف النكد والطرايف

حنكته الايام واصبح امحنك
شاعر بيوته للجزاله تٍشارَف

يارد على عدٍ وروده رهاوي
ماهوب للجزلات يرشف رشايف

اقولها مرات بيني وبيني
ودموع عيني من زماني ردايف

اخذتني الدنيا ونا توي صغير
دارت وحطت في حياتي ولايف

واللي عشقته بينهم ماعشقني
اردى خفوقي وسط صدري نصايف

وهذي نهاية قصةٍ عانقتني
ولانيب من فتح الملفات خايف

انهيتها بالمسك وبريحة العود
في طاعة الله فوق روس النوايف

وليا حصل يالله مني خطايا
فالمغفره قدام طيّ الصحايف


تحيتي
فارس بن طلق الصوينع

صح لسانك ولاهنت

ودي واحترامي

صح لسانك مليون يافارس

قصيده رائعه ومعبره لاهنت

تقبل مروري وخالص تحياتي

الله يكافيك شر المصايب


وصح السسسسسسانك يامبدع


//

صح بدنك يالغالي وحياك الله

تحيتي لك

صح بدنك ياعايض ولاهنت

تحيتي لك وتقديري

وياك ان شاء الله

صح بدنك والابداع في تواجدك طال عمرك

قناص القوافي


صح لسانك مدد

تحياتي