غاب اتصالك وهجرك طال = ماعاد تنشد عن أحوالي
وماعد ترسل على الجوال = والا أنت دايم على بالي
كل مازهمتٍ وأجي بالحال = أقابلك واترك أشغالي
آجيك طاير ولع وهبال = ( غالي وسيّر على غالي )
واليوم برج المحبة مال = صابه من الصد زلزالي
طبعك تغيّر وحالك حال = لا يكون طاوعت عذالي
ماتدري إن الجفى قتّال = جنن حلاحيل ورجالي
إرجع وخل الزهر يختال = والغيم يخيّل على أطلالي
مجنون ليلى غدى رحّال = يصيح من جالٍ لجالي
غاب اتصالك وهجرك طال = ماعاد تنشد عن أحوالي