اكبر فخر لعتــــيبه الهيلا
 

بسم العتيبي و العتيبي عز و الإســــــم العزاز
طيب و كرامة دارجة بأقوالها و أفعالها
نمشي على وضح النقا في نجد ولا في الحجاز
كــــــسابة النوماس بين قفايها و قبالها
أهل الشهامة و الكرامة و الفخر و الإعــتزاز
من ماضي الدنيا ورب البيت طيب فالها
ربــعي عتيبة فالــمواقف ما تـعرف الإهـــتزاز
تثبت على الوقـــــفات لين يحلها حلالها
حـــــنا خـــوالٍ لـلنبي فــزنا بها و الــكل فـــــاز
أكبر فخر لعتـــيبة الهيلا وروس رجالها
يشهد بها التاريخ و شــيوخ الفتاوي و بن باز
و تشهد بها كل الديار سهولها و جبالها
و اللي بيوته من حجر و اللي بيوته من قزاز
الفرق واضح ردوا الكلمة على من قالها
اللي يـــــغير في الحـــقايق شاربٍ ديزل و قاز
يدور للحية كـــريم و يــــندرق بــــسبالها
إن كان ما عنده جواز يروح يــــقطع له جواز
حـــتى يميز في العلوم قصارها و طوالها
صحيح من قال الخـــبيل يروز ضـــلعٍ ما يراز
يبى يـــغير في الــمعالم دقــــها و جــلالها
ولا يــبى يلفت نــظر يــمه بكلـــمة خــــــاز باز
مدري هي اللي جات له ولا هو اللي جالها
ياللـــي درست الدكــترة و تــقول جبت الإمتياز
الدكترة وش حالــــها و الرابطة وش حالها
الله من كـلــمة على بالـــــي تــجوز أو لا تجاز
نــقـولها يا أهـــل ضــرما ولا نـجـيب بدالها

صح السانك قصيده طيبه

فيه سؤال ماذا تصد بالاسم العزاز ايش معني العزاز

محمد الجعيد
مرورك وحظورك كريم ياللكريم

الاخ طلال هلابك
شرفتني بتواجدك وتعليق

الاخ الشاعر

محمد المشروع

صح لسانك وبيض الله وجهك

كفيت ووفيت

صحيح من قال الخبيل يروز ضلعِِمايراز=يبي يغير في المعالم دقها وجلالها

صدقت

يروز ضلع مايراز

تحياتي

صح لساااانك


تحياتي وتقديري لك

الاخ الشاعر

محمد المشروع

صح لسانك وبيض الله وجهك

كفيت ووفيت

صحيح من قال الخبيل يروز ضلعِِمايراز=يبي يغير في المعالم دقها وجلالها

صدقت

يروز ضلع مايراز

تحياتي
-----------------------------------------------------------------------------------------------------------
الشاعر الكبير
وصل الشهيب
يشرفني حظورك يابو محمد لاهنت