عاجل
 

سلام للهيلا الرجال المناعير / عتيبه الهيلا تضد المعادي

الليله الطاروق من دون تاخير / دام الفتيله فوق خشم الزنادي

صح لسانك يامحمد
وانا الان في طاروق قايم بيني وبين عبد المجيد
واذا مارد احد
استاذنك بالرد

صح السانك يالحربي

يا مرحبا عد النفل و النواوير /:/ عن ربعي اللي فـ البلد و البوادي ..
خل الفتيله يا الحريبي عسى خير /:/ لا يصير من فوقك صباح و هجادي ..

دام البقا حد السيوف البواتير مادام جاء وقت النداء والجهادي


حنا الحروب منزحين الطوابير منهو يعاندنا يعرف العنادي

يا عزتي لك توك غليم اصغير /:/ روح انشد الشيبان في كل وادي ..
و حنا عتيبه مثل حد المشاطير /:/ ما تجهل العتبان خل الدوادي ..

ياورع بعض الهرج روح مخاسير / ولا الجمل مهو بيم القرادي


الذهبه روح وراها المدواير / وانته مع الكوره وراء كل نادي

يقول انا قراد قدم الجماهير /:/ و يجيبها من غير عد و عتادي ..
انا عقيد القوم يومك كما الطير /:/ عشاه ياصله سوات الزبادي ..

صورتك بالشاشه تقل سالم الزير / والفرق وضح كن تعراف مرادي

حلامن ياعتيبي ولافيه تفسير / / ولانته ماكلفن تعب واجتهادي

امجملن ربعي ولا فيه تقصير /:/ يوم ان الحربي عبيط و ربادي ..
و اختامها تصبح يا ابن حرب بـ الخير /:/ لو ان بعض احيان منته بـ عادي ..