سقى الله ذكرى الوقت بألود والتقدير=وسقى الله حال اليوم بالصبر والهمة
لاجتني هجوس الذكريات القدام عصير=تحيزمت بالتفكير وآمالي العمــه
وبعثرت كتب الماضي اللي بلا تفسير=ولميت حلم(ن) وآقع الوقت مالمه
هذا أقصى جدآيه.. جعل فـ/المقبلات الخير=طلبت الإله اللي ولى ساير ألأمه
يدور الفلك والعلم الاول مهوب اخير= يجي غيره وغيره وغيره كم مطمه.!
نحسب الزمـن لا طال مايعكس التفكير= بيبقى الأمل ما تاه والذمة.! الذمة.!
لكن إن تفآجا فـ/أمر بـ :المستحيل يصير=يدير الخيال اللي (نشوفه) عن اليمه
بنينا الأماني والأماني منول غير = لها شكل ثاني ..(يوم الأحباب).. ملتمه
وبعد ماكبرنا هدها ذاري المعصير= وصارت مع الأيام ماتحسب مهمه
فقدنا من الغالين وإجتاحنا التقصير= وكل (ن) سرى يوم أظلم الليل مع همه

المشاركة الأصلية كتبت بواسطة محمد العضياني (المشاركة 1285545) نص فاخر ومفعم بالجزالة صح لسانك يا عناد

وبعثرت كتب الماضي اللـي بـلا تفسيـر
ولميـت حلـم(ن) وآقـع الوقـت مالمـه

أبو محمد

لــو لم تكتب إلاّ هذا البيت ..
وإن شهد بالله ... إنك أثريت الساحة
وأرويت ظماء العطش الأدبي
فصح كلك لحد رضاك
وسلم رأسك يابعد رأسي

أحترامي

المشاركة الأصلية كتبت بواسطة عايض جزاء العصيمي (المشاركة 1285663) صح لسانك ياعناد

المشاركة الأصلية كتبت بواسطة فيصل مطر (المشاركة 1286004) الله الله الله صح لسانك ياعناد وهاذي الابيات من ابدع ماقريت لك لكونها ترجمت صدق المشاعر وطغة القريحه الصادقه فيها بماجادة به على السيطره وكادة تصرف النص عن ماحاولة اظافته من طرى لاحقاوسبب ظعف دخوله انه ليس من ماهضة به القريحه وليس سبب تهيضها وهاذا الشعور الطاغي حتى على تحفض الشاعرهو الشعر الحقيقي بعينه وعلمه ولعل الشاعر المبتدي احيان يعتقد انه لم يوضح شي على حدقوله والمعنى الشاعري هوماترجمته المشاعروليس في ما اجتهد عليه من جمع كلام مركب واقول صح لسانك مليون على مثل هاذاولواطلقت العنان للقريحه في الاتجاه الي بغته لاكانة القصيده اقوى بكثير,,هاقل لاياعناد انابقولك بعض مادخل على الهاجس عشان تعرف اني اماقرى عبث 1_من مادخل لم يكن من ماهيضك لاكن اظفته تركيب (1)يجي غيره وغيره وغيـره كـم مطمـه.!؟؟مع ان شطره الاول من هيض صحيح (2)يدير الخيال اللـي (نشوفـه) عـن اليمـه؟؟وهاذاعندي شك في تركيبته يجوز لانه يجوزشي متحفض عليه الشاعروحاول يلعبه مع نفسه فقط -----------باقي القصيده ترابطة جميع ابياتهاروح ونفس ترابط قوي وعلى موضوع واحد----- هاه وش قلت ياعنادوانت ابخص بنفسك اول ماطرى عليك وسبب القصيده وبقى يلوح معك في الافق حتى آخربيت قلته ههههههههههههه كل كلامي هاذايابومحمد تدري ليش قلته على شان اسم الراجحي الي اقولك عنه كا اسم مهب معنى ادوره وتقولي اني مافهمت المعنى؟؟المعنى هاذاهو وانا اطلعه ايذكنت انت شاعر من غيرماتقولي عنه ابومحمدقل لامافهمت المعنى مايهمني انك تفهمني على حقيقتي والي تقوله انت ابخص به ماقول شي بس افهم زبدة كل ماقلت وترى مايتعلق منه بشعرك شي زوده ونقصه يتعلق بشاعريتي انا وصح لسانك مجدداوماكتبته نقدعام للقصيده وعايدلي صح والاخطى تحياتي وآسفين على الازعاج لشخصكم الكريم طال عمرك