الهيـــــــــــــلا *** منتدى قبيلة عتيبة - ياطيب السمعه ويارافع الراس..

- قصائد الأعضاء (http://www.otaibah.net/m/forumdisplay.php?f=10)

- - ياطيب السمعه ويارافع الراس.. (http://www.otaibah.net/m/showthread.php?t=137194)

ياطيب السمعه ويارافع الراس..

ياطيب السمعه ويارافع الراس
لاتنذكرمن بين ربعن رخومي

ربعن الياجالستهم تخلف الساس
ويلحقك شك وريب في كل يومي

ابعدعن النمام لوكان اله باس
يدسلك سم الحكي بالعلومي

وعليك بلي ماله اشباه وجناس
رجل(ن)كريم ومنزله بالنجومي

يعطي خفا ماتباها مع الناس
عطاه يشفي كل كبدن تصومي

في حزت الشدات تلقاه قرناس
طب الجروح اليابسات الفحومي

بيبان بيته مشرعات(ن)على ساس
لامره الطرقي يجيه ويدومي

والمجلس الي بالتراحيب مساس
يامرحبا ثم ارحبو بالقرومي

ترحيبتن يقدحبها الراس للراس
ماهي تصنع وارده بالسلومي

في مجلسه تلقا دلالن ونوماس
وبريتن تجلاالعمس والهمومي

دايم على الجزلات تلقاه نبراس
بالاوله دايم تعلا الغيومي

شرواك يلي للمواجب مقباس
يلي لفعل الطيب دايم عزومي

وختامها تسليمتن مالها اقياس
على شفيع الخلق زين العلومي

بدر أبوثنتين

الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين

ابعدعن النمام لوكان اله باس
يدسلك سم الحكي بالعلومي

يعطي خفا ماتباها مع الناس
عطاه يشفي كل كبدن تصومي
الله الله صح السانك اخي بدر ماقصرت

ياطيب السمعه ويارافع الراس..

اقتباس:

المشاركة الأصلية كتبت بواسطة بعيد الخطوه (المشاركة 1284756)

صح بدنك يابعيد الخطوه والله لايهينك على تواجدك المميز

صح لسااااااااااااااااااااااانك

صح بدنك يالعصيمي