الحب بقوة الشوق ... مع جدي بن طويق
 

ديت بسم الي عبادة سعت لـــــــــــــه *** ربٍ خلق دنياه في ستة أيــــــــــــــام

يامل قلب يوم سج اغنجت لـــــــــــــه *** دقات خلٍ للعشاشيق عـــــــــــــــلاًم

ارسلت للصاحب وله وجهت لـــــــــه *** سلام فيها مايسعر بالاقيـــــــــــــــام

احلى من الحالي على من عنت لــــــه *** واغلى من الياقوت بيدين عـــــــوام

لى قصة يا سعود من قد جرت لـــــــه *** قبلي علي الي ولفهم ود وهيــــــــام

ليلٍ غشى شمس الضحى وخضعت له *** من حكمت الباري تصاريف الايـام

وش حيلة الي حفرته سايفت لــــــــــه *** لين ارتكى حملة علي روس الاقدام

سليت عن ودٍ عقب فك فتلـــــــــــــــه *** وأقفلت صندوق المحبة ابرشـــــــام

وجاني نقوض ادواي يوم اسجعت لـه *** شي يسوق الروح حتى بالاصنـــام

حنت خلوج عقلوها حبت لــــــــــــــه *** لحويرٍ ماشتد عظمه ولاقـــــــــــــام

يوم أرزمت من طولها ثم هوت لـــه *** وعاشت على ريحه ولدها بالاوهــام

حنت وبكتني على مابكت لـــــــــــــه *** والخافق المجروح يومي له أعـــوام

شاركتها في ماقفٍ وقفت لــــــــــــــه *** واستيقظ المدفون في رسم الاحلام

ذكرت من روحي بحبه صفت لــــــه *** حبٍ نقى ماهوب من عرض الافلام

يزهر كما نبت الخزامى زهت لـــــه *** في راضةٍ محدٍ وطاها بالانعـــــــــام

هو الذي في خاطري والتفت لـــــــه *** ولامع العربان من يسقم أسقــــــــــام

وينام ليله واحدٍ ماعرضت لــــــــــه *** ولا ذاق كاسٍ شاربه جلد وعظـــــام

ابو جديلٍ لاوقف مايلت لــــــــــــــه *** ليلٍ من الهامه الى كعوب الاقـــــــدام

في دربها دوم القدم وقفت لـــــــــــه *** وصد مابغي الناس تغلط بالارقــــــام

في عين حرٍ صيدته وايقت لـــــــــه *** ثم ارتفع من شاهقٍ للعشاء حـــــــــام

احبها حبٍ وفيٍ وفت لـــــــــــــــــه *** حبٍ لجى وسط المعاليق بزمــــــــــام

الي مشالي والمحبه مشت لــــــــــه *** إله التحية للشّرف يحمل اوســـــــــــام

اقفى وعيني كل ماها اذرفت لــــــه *** ودمعه جرى شفته على ملثم الخـــــام

دنيايى غرتني وهو وش نوت لــــه *** عسى مراسيها علي بيض الاعــــــلام



المصدر: http://www.jadi35.com/?m=201201&paged=29#ixzz1qX8D2Jnw

صح لسااااااااااااانه