الناس صِح ومجانين,, وانسجام .لجدي بن طويق
 

أندبك ياحظي ولا منك جابـــــــــــه = كنك مريض حاذفينه مقفيــــــــــــن

حظي كما حظ الذيابه نهابـــــــــــه = والا كما حظ المشقين بالديــــــــــن

داويت ماينفع فيه الطبابــــــــــــــه = كويت وهو أتلى علاج المريضيـــن

احرمتني من صافي الماء شرابــه = ورديتني عن ريح بدوٍ محيليــــــــن

برضيه والهذراي قدمي التوى به = واقفى مضيع بين عشره وعشريـــن

ليت الحظوظ تباع سوق الجلابـــه = كان أجلبك ياحظ وادفع رياليـــــــــن

بحلله والموت قبلي سطى بــــــــه = ومات الحظيظ ولا حصل له مدافين

في قلعته ماقول لا واسفا بــــــــــه = خله لذن الحظ يظهر بعد حيـــــــــن

ويبدل المنجور عود الحطابــــــــه = أخير نار ونورها للبعيديـــــــــــــن

يجلي عن الكبد المريره عذابــــــه = ويذوقّه طعم العسل حاله الزيـــــــن

والناس فيه عادةٍ دون جابــــــــــه = ماينشدون ألا عن أهل الملاييـــــن

قالوا قليل المال ماله اعصابـــــــه = كل يقول بعيد وبعيد ياشيـــــــــــــن

لاصار ماهو تاجر ٍ وش نبا بــــــه =خله يروح وعنه حنا مصديــــــــــن

وليا كثر ماله حنا زهابـــــــــــــــه = حنا الجماعه والربوع المواليــــــن

هذا القريب ومثله إلنا قرابـــــــــه = وفالبيت له مركى وفرش وبطاطين

مكشوف وصف اليوم كلٍ درى به = ماهي نوادر من ورود وبساتيــــــن

بستان فيه الشوك زان العشاء به = للي على بلهان دايم حريصيـــــــــن

مانيب عالم في دروس الطبابـــــه = لكن عرفت الناس صِح ومجانيـــــن

فيهم دوى لجرحٍ صعيبٍ صوابـــه = وفيهم من ألي زوّد الجرح جرحيــن

وألي يحمي مطرقٍ ينكوى بــــــــه = قالوه قبلي ناس ماتوا وحييـــــــــن

والمستريح الي اندفن في ترابـــــه = وزين معاملته مع الرب تزييـــــــن

وخلا سفوف الناس تشرب شرابه = وتلقى جزاك ولا تمنه ثعابيــــــــــن

واختامها بيت صعيبٍ جوابـــــــــه = بيتٍ رديفه بيت ماله عناويــــــــــن

عديت بالمزموم راعي الذيابـــــــه=ذيبٍ عوى وذيبٍ عياله سراحيـــــــن

عطني جوابك كان قلت اتهقابـــــه=كانك تقول انك على العسر والليـــــن

وصلوا علو المختار سيد الصحابه=الي امر بالحق بين البلاديـــــــــــــن

واعداد ماهل المطر من سحابــــــه= واعداد مالبى حجيج ومصليــــــــن





المصدر: http://www.jadi35.com/?m=201201&paged=26#ixzz1qX4xii90

جدي بن طويق يقول::ويشهد على القلب مسباحي
 

واشف قلبي على شوفـــــه = شف البدو لبارق لاحـــــــي

يازين جوفي على جوفــــه = ضاوين والا بمسراحـــــــي

عيني على الشوق ملهوفه = ويشهد على القلب مسباحي

اشقر جديله ومنسوفـــــــه = وخده كما نور مصباحــــــي

ساقه على العظم منسوفـه = مالوم قلبي ولو صاحــــــــي

الخصر بالنحل ملفوفــــــه = والعين عين أشقرٍ قاحـــــــي



المصدر: http://www.jadi35.com/?m=201201&paged=27#ixzz1qX7KIv00

صح لساااااااااااااااانه