رميته من سفينه راسيه . ومن الغزل مع ابن طويق
 

أنــا مــادريــت ان الــهــوى يتــعـــب الــولــهــان = ولا أحسبه يهد القلب من عالي مبانيّـه

عقب ماشفـت غــروٍ ضفنــي في صفّــق الجنــان = كفخ واقفى وخلالي على لسانه وداعيـه

تـــوجــه يــم داره وغــرد لــي عــلـى الأغصـان = وعلقــني على حبل الرجاء لرسالةٍ ليـــه

عسى يوم الخميس الي وضع لي فيه أهم اعلان = يجــي مثـــل المــطــر بنــجــوم وسمـيـــه

ألا ياشوق ماتنقذ غريق بالهوى عطشـــــــــــان = رميــته مــن سفينــه راسيه ببحور وحشيه

تجــمل ياجميــل الزول بالعاشـق ٍ الهيمــــــــان = ولا تكســر مجاديفـه ولا تقطع مراسيـــــه

وساعدني على وصلك مدام الوصل بالميــــــزان = تـرى ذوق العسـل بالحب وصل الهواويه

ونا ألي كل ماغنــى من القـمري على الأغصـــان = تضيـق ابي الوسيعه والحدود السعوديـه

ولا مــن هــزنــي قلبــي عليــها صفــق الجيــلان = يلـولا الي عليــه مــن المــعاليــق محنيـه

خفق مع دمعةٍ تجري حـرارتها على الأوجــــــان = مـــع ونــةٍ يظـهــر لهــا حــالات مخفيـــه



المصدر: http://www.jadi35.com/?m=201201&paged=19#ixzz1qWzaFSts

صح لساااااااااااااانه