يا طيف ما قدمك ألا هبـّة الريح=الجــود والطيب تلقــاله مواري
نار ومعاميــل وأبوابً مفاتيح=ما تنـّشد عنـدها وين انت ساري
اقلط معزز تحت ضوء المصابيح=في مجلسً فيه ظل عن الذواري
من قدر راعيـك لوحت الك تلويح=وانت المعزب مع ان الدار داري
تأمر على الروح ويكفيــّـك تلميح=لو كــان ما جيتني جيعان عاري
خابرك راهي وعنــدك للطحاطيح=هاتف سريع الطلب وحساب جاري
لكـــن عينت لي سيد المماليح=اللي على موعده طـال انتظاري
ما جاب لك سيرتي وأدلى بتصريح=يجبـــر عزاء القلب ويرد اعتباري
كل الجـــوارح على وصله مشافيح=لكن من بينها عضــو انتحاري
ما باقي ألا يجر الصــــوت ويصيح=ويرد للسيــف الاملح والسواري
ازريت أعرّيه من ثوب التبــاريح=وأغريه فالعيش بالوجه الحضاري
مرت سنيـنه يلم الورد والشيح=ويقول لا شافني مـا فيه طاري
حتى ذبل كل قطفه واستـوى ميح=وأنا اتحراه يستـوعب قراري
يا ما سندته وصــار يقوم ويطيح=وأمسى على سنجته وأمسيت ضاري
ان كان عندك لهذا الوضع تصحيح=قل لي وانا حاضر بشري وخاري
وألا استـرح مالك ومال المجاويح=اللي يجيبـون من كثر الهذاري
قفل على الســالفة مثل المفاليح=واقبل شديد احتـرامي واعتذراي
يحداني الشوق بعض احيان ويبيح=سدي علشااان الأصلي يالتجاري

المشاركة الأصلية كتبت بواسطة ابوحاتم الروقي (المشاركة 1284252) اقول صح السانك

المشاركة الأصلية كتبت بواسطة الغضنفر (المشاركة 1284257) صح لسانك ياااااااااااااااااااااااالعضيانى وبيض الله وجهك

المشاركة الأصلية كتبت بواسطة محمد الذيابـــي (المشاركة 1284268) صح لسانك ياالعضيانى وبيض الله وجهك

المشاركة الأصلية كتبت بواسطة عايض جزاء العصيمي (المشاركة 1284392) صح لساااااااااااااااااااانك