الـبـارحــه لـيـلــي كــابـــه وغــربـــه=ضايـق صـدر والعيـن زايـد سهـرهـا
كـم ليـل قبلـه مـوق عينـي سهربـه=قلـبً جريـح وعيـن تسـكـب عبـرهـا
عـلــى حـبـيـبً قـــرة الـعـيـن قـربــه=كــبــرة مـعـانــاةً لـحـقـنـي ضــررهــا
الــلــي فــراقــه خـافـقــي مـاقـدربــه=كـود السمـك تـقـدر تـفـارق بحـرهـا
يامـا رجيـت بـطـول دربــي ودربــه=مــســافــةً مـابـيـنـنــا نـخـتـصــرهــا
شـوفـه يـفـرج عـنـي الفـيـن كـربــه=وقـربــه يـجــدد دنـيـتــي ويـعـمـرهـا
وحبـه سكـن قلبـي وعـاش وعمـربـه=صـروح مـن صـم الرواسـي حجرهـا
حتـى ملـك سيـف الغـلا وانتصربـه=سيطـر علـى كــل المشاعرواسـرهـا
يـامـا نهـابـه نــور عيـنـي وامـربـه=اوامـــراَ مـصــدر ســـرور اعتـبـرهـا
حـلـواً مـلـك كــل الـحـلا واشتهـربـه=كــن الـحـلاوه فـيـه ربــي حـصـرهـا
فـيـه المـزايـا كـثـر وابــا اختصـربـه=بيتيـن شعـرً صـفـو فـكـري سطـرهـا
كـان السمـاء فيهـا قـمـر تفتخـربـه=الارض تفـخـربك بعد يا قـمـرهـا
في مشرق الارض الفسيحه وغربه=خلـي قمرهـا وايضـاً اجـمـل بشـرهـا

المشاركة الأصلية كتبت بواسطة محمد الذيابـــي (المشاركة 1283373) .. صح لساااااااااانكـ يالجزل...