الا يا طير حلَّق بالغمامي = سبوق(ن) ما على مثله كلامي
وسيع العين والمنقار أقطم = عريض الصدر موزون القوامي
مخاليبه تمركز فوق كفّ(ن) = عريض(ن) كنّها روس السهامي
وجنحانه طويلات(ن) تفاهق = تفاهق عن بعض بينه خصامي
ورجلينه فحاج(ن) مبعدات(ن) = بعيدات(ن) تقل قربه حرامي
عليه الريش مصفوف(ن) مسرول = ولونه أشقر(ن) حرّ(ن) قطامي
إذا شاف الحبارى جاه طيشه = يبي ينهش لحمها والعظامي
وحَش ما قد لبس في يوم برقع = يحوم وما شكى كثر الحيامي
ألا يا طير حلِّق فوق بقعاء = وقل لأهل اللوى دوكم سلامي
ديار(ن) حبّها وسط الضماير = بها يسكن خوالي والعمامي
ديار(ن) كان ساكنها توفّى = أبو عبيد وعسى قبره سلامي
عسى يلقى سلام(ن) من غفور(ن) = رحيم(ن) راحم(ن) كل الأنامي
أبو عبيد و إلامن قيل من هو؟ = سليمان، و وصوفه بالتمامي
عريب الجدّ من نسل الحتيرش = كريم(ن) من كرام(ن) من كرامي
يجدّون القنى لو هم بحاجه = لضيف(ن) طاوي(ن) بالجوع، ظامي
جعل جنّات خلد(ن) دار جدّي = بها يسكن عليّات المقامي
الا يا طير هاضت بي شجوني = وتذكّرته بعد شهر الصيامي
طرى لي يوم شفت الوقف خلّص = وعلى طرياه ما جاني منامي
وثم ختامها اصلّي على اللي = هدانا للصلاة وللقيامي
عدد ما بالسماء نجم(ن) تلالا = وعدد ما طير حلَّق بالغمامي

المشاركة الأصلية كتبت بواسطة محمد الذيابـــي (المشاركة 1280980) صح لساااااااااااااااانه

المشاركة الأصلية كتبت بواسطة عثمان الثبيتي (المشاركة 1281042) الا يــــا طــيــر حــلَّــق بـالـغـمـامـي =سـبـوق(ن) مــا عـلـى مثـلـه كـلامـي وســيــع الـعـيــن والـمـنـقـار أقــطــم =عريـض الصـدر مــوزون القـوامـي مخالـيـبـه تـمـركـز فـــوق كـــفّ(ن) =عـريـض(ن) كنّـهـا روس السـهـامـي وجـنـحـانـه طــويــلات(ن) تـفــاهــق =تفـاهـق عــن بـعـض بيـنـه خصـامـي ورجلـيـنـه فـحــاج(ن) مـبـعــدات(ن) =بـعـيـدات(ن) تـقــل قـربــه حـرامــي عليـه الريـش مصفـوف(ن) مسـرول =ولـونـه أشـقـر(ن) حــرّ(ن) قـطـامـي إذا شـــاف الـحـبـارى جـــاه طـيـشـه =يـبــي يـنـهـش لـحـمـهـا والـعـظـامـي وحَـش مـا قـد لبـس فــي يــوم بـرقـع =يـحـوم ومــا شـكـى كـثــر الحـيـامـي ألا يـــا طـيــر حـلِّــق فـــوق بـقـعـاء =وقــل لأهــل الـلـوى دوكــم سـلامـي ديـــار(ن) حـبّـهـا وســـط الضـمـايـر =بـهــا يـسـكـن خــوالــي والـعـمـامـي ابداع في وصف الطير صح السانك والله يرحم جدك

المشاركة الأصلية كتبت بواسطة فيصل مطر (المشاركة 1281158) صـــح لســانـكـ

المشاركة الأصلية كتبت بواسطة عايض جزاء العصيمي (المشاركة 1281557) صح لسانك والله يرحمه