سميت بإسم اللي له العبد مملوك = المعتلي وحده على عرش الأفلاك
قادر قدير بقدرته كل مضنوك = قادر على حل الصعيبات فكاك
ميزت بعبادك مماليك وملوك =يارب عبدك كيف يحصي مزاياك
فكيت باب ٍ للمغاليق مصكوك = وأرهيت من غاليه مايكسب رضاك
شاعر يحوك البيت وإن جاك مسبوك = شعره تسطّر من فكرعرف وأدراك
من قدح فكره ماتكهن بمشروك = يجلب سمين القول والجزل ينحاك
لاحق لي ماجوب في قولها دوك = مني سنود ورودها قول لاجاك
الرأس يفخر والملا عنه كفوك = لأن الدلايل والذكر حيّ ماأطراك
هداج يعرف للظماء وأنت وردوك = لأنك بحر جود ٍ تلاطم بيمناك
وأسمك على الهامات صمدان سموك = سلايل ٍ للعز من ساس مجناك
الطيب لو حرر مماليك وصكوك = أخذت صكه وإن حلف ماتعداك
من هيبة أسمك للوفاء يوم عدوك = رأس ٍ شمخ بالعز من رأس مرباك
موارث ٍ من عصر جدك على أبوك = وأنته على درب السلف سارت أخطاك
سمواك بإسمك لو تسما ونادوك = شامت عنه رووس اللزايم وتنصاك
الطيب يزهى هامتك يوم حلوك = لأنك شبيه أله ومنبع عطاياك
الظن مايارد ولايلحق شكوك = هذاك قبر الشح وأول ضحاياك
عجّزت ياحبرالقلم من سما البوك =عن وصف مايوصف وعن رجم مرقاك
هذي حقيقه قلّتها يوم بدوك = صنيع مثلك مازهى غير شرواك

المشاركة الأصلية كتبت بواسطة قـنـاص الـقـوافي (المشاركة 1279789) ياسلام صح لسانك يامبدع ولاهنت ويستاهل ابو خالد تحيتي لك