خالد العصيمي وحبيب العازمي
 

خالد العصيمي // وحبيب العازمي
المحاوره جرت في حفل تكريم شيخ الفواينه من الشفعاان15/11



خالد العصيمي




ياصلاتي على وجه الرسول الكريم=راعي السنه اللي ماتغرونها

ياحبيب ترى ماعاد فالجو غيم=كل ناس تشوف النور بعيونها



حبيب



النبي سنته سمحه ونهجه قويم=مار ياهل الملاعب لاتخلونها

فية الغيم ماتخفي دموع اليتم=والمصايب لها ناس يجيبونها




خالد



اقدح النار من زندي ولاني غشيم= ياهل الجمره اللي فوق غليونها

حربنا بالمواجه فالنهار العظيم=الرجال الخيانه مايعرفونها


حبيب


تكشف الذنب مار لله غفوراً رحيم=القيامه متى يدرج دركسونها

انت شداد يارجال ولامقيم=لاتشيلك وعول الضلع بقرونها


خالد


القيامه على سربة بليس الرجيم=تطحن احبوبهم في وسط طاحونها

منزلي فالحجاز ولو نزلت القصيم=الحصون الثقيله تثبي اركونها


حبيب


الهنود الربعه ولاربعه سيم سيم=وان لقو بقرة التاجر يعبدونها

استرح فالحجاز ولاتوصي حكيم= ماعرف حب ليله غير مجنونها


خالد


ابعد الشوف ودرج بالقدم يافهيم=المطمه ترى للي يضوونها

لك سنه في حجازي ونت منت بغريم= انت ياراس بين الروس ومتونها


حبيب

خل صدرك وسيع وخل ظنك سليم=مايشيل الوليمه غير ماعونها

الف فارس غزو خلف النبي من سليم=يتبعون الجنايز مايشيلونها



خالد


المعاني على بعض الدعاوي تهيم=والنشاما على الغاية يعدلونها

فيه مركز وعسكر فالطريق القديم= مار لابد سرعتكم تهدونها

محاوره طيبه

تسلم يمينك

محمد الحــنان


مشكــــــور على المــرور

محمد الحــنان


مشكــــــور على المــرور

خالدالعصيمي ارق سنود من اكبرشعراء الساحه ولاعلاك قصور

لاهنت يالفيصل انا من متبعي ابداعك ونقلك عن هذا المبدع يعتبر فضل ومعروف على جمهور هذا الشاعروانا احدهولاء الكثر

يعطيك العافيه اخوي حمدان العضياني ومشكور على المرور والمتابعه

والكلام الطيب