أنا جديد ومن عصيم اللي على روس الهضاب = وأنا خوي اللابة اللي تعتزي بإسم عصمة
مادام ذيّعت الخبر والسيف في حدر الجراب = محدود في روس الرجال امن الوريد وتقسمه

انا قديم ومن رجال ٍ فالمعارك ما تهاب = ياللي تعرف العلم رح يم العصيمي علمه
السيف يلقى سيف يوم السيف عزه فالنصاب = ومن لا يجرّد سيفه المحدود لا يفتح فمه

أنته مشيت الدرب الأسود مير حدّر للذياب = واللي بطونه ضاميات وجايعات انلقمه
إحذر وأنا بو عاصم , الليلة على دربك عذاب = واللي تمادى فالمعارك فالطواحن نفرمه

انا ذياب الضلع تحسب لي يبن عاصم حساب = ويمناي تبلغ حاجتي من فضل ربي وكرمه
ابوي وصاني يقول أحذر يضيّعك السراب = و اليوم حنّا تو مفهوم النصيحه نفهمه