ماقيل في الجيب
 

ويقول الاول :




الجيب مايرخصه للبيع من ذاق لذه مشاويره

اليا اخويتبه مع خطات الريع يعجبك عزمه وتغيره

راعيه مايترك الترفيع اليا صار شفق على الديره

وكان السلع تتبع التشجيع ماخش انا بناظري غيره

امطبع للسفر تطبيع وشد الخواجه مساميره

ياصل طريق قبل مايطيع ولا قيل هذى محافيره




ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ
ويقول الثاني :




الله يستر عليك الجيب لا يا بعد كل قماره

الجيب والله مابه عيب ولاهمه الطعس والقاره

الجيب داره عن التخريب ولا ينقص الزيت بعياره

ولو هو مبوش ويبي توظيب لازم يوصلك مشواره

الجيب مثل ولد الشيب صاروخ وان حركوا ناره

الجيب ياصاحبي به طيب كم واحد وداه لدياره

وصلاه ربي على الحبيب محمد واللي سكن داره



ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــوقال الثالث :



جهزت جيب يبت القاع هو صالح والهوى قائد

كأنك تخاوي يابو هزاع نبغى انسير على عائد

رجل عن اللازمة ماانصاع ولايقبل النقص والزائد

امجرب حزة المفزاع يضرب على الموت مايحائد

من لابة كلها بتاع وقت اللقاء تنطح الكائد

مشكووووووووور يالغالي...

شكرا الاخ محمد على مرورك الكريم

:
:
:


اختيارات طيبة ياعاشق

ولو انها تضاعف امانينيا على اشياء يقصر دونها الريال ههههههههه

تسلم وشكرا الاخ غالب الذيابي على مرور ك الكريم

الله يرزقنا جميع


سلمت يمينك يالطيب

شكرا مرورك الكريم يالعابر

انشهد ان الجيب سياره يالباحث عن الحقيقه وهاذي من الحقايق الذى تبحث عنها هههههههههههه ولك جزيل الشكر

اشكرك على مرورك الكريم