يـا لحون الـعـود و إلا يـا مجاريـر الـربابه=اختلف معنى القصيد و ضـيـع الفنان فـنـه
حـلـم مـدري علم مدري نوض بـرقـن في سحابه=و أثـرهـا طـلـت جبينه يوم زاح الليل عنه
اقبلت مثل الفرس لاسمعت اطبول الحرابه=مـقـتـفـيـهـا لـيـلـن اسود والنجوم يفرقنه
الـنـهـار يـمـر و يعدي و ليله في عـقـابه=و الـنـحر صبحن تجلا والجدايل كـنـهـنـه
مـخملن يلتف حول الجيد الاتلع بـالنـيابه=عن سلاسيل الذهب والماس خوفي يجرحنه
غاب عني والوله خلاه عندي في غيابه=مادرى ان فرقاه نار ولادرى ان لاماه جنه
ياوجودي وجد من صفق على ماضي شبابه=بان شيبه والسنين اللي يبيهن خالفنه
غرته خضرالسنين وراح عمره مادرابه=غـــررنه وارفعنه لـيـن سج وحولنه
وياوجودي وجد عودن لاعيال ولاقرابه =كل ممسى له بضنن خيبة الايام ضنه
مالقى فزعة قريب ولادعاتن مستجابه=ماجداه إلا يون ويرف الونه بونه
ذا وجودي في غياب اللي نزح والله جابه=صح فرض الله فرض وسنة الرسول سنه
ما زرعت إلا غلاه ولانقلت إلا صوابه=والحشى ماضاق من كثر الطعون المستكنه
الغلا جسمن رقيق ومرهف احساسي ثيابه=مثل غصن الورد يوم ان الهبايب يطرقنه
ياحبيبي مازها كف الخضاب إلا خضابه=فيه نظم المفردات وفيه للعشاق عنه
خالقه من فضّل محمد على كل الصحابه =وصخّره مثل المهار اللي تصخرها الأعنه
والثنا والشكر للي رحمته تسبق عذابه =مال خلق الله فضل ولا لخلق الله منه
قالها اللي ما خذا مما يريد إلا هبابه=خيرة الفارس ثنية خيل صفرن مستعنه

المشاركة الأصلية كتبت بواسطة عزارم (المشاركة 1278016) صح لسانه ولاهنت ياطيب