يـــاربـــي تــســهــل الامــــــر وتـــزيـــن الاحـــــــوال=تـــرانــــا بــــــــلا رحــمـــتـــك هــلـــكـــا ومــتــهــاويــن
ولا عـنـدنـا غـيــرك لـيــا صـــك جـــال(ن) جــــال=ضـــعــــوف الاوادم يـــاقــــوي فــــيــــك مــتــقــويــن
ابــــي رحـمـتــك حــــي وفـــــي الـقــبــر والاهـــــوال=نــهــار الـحـســاب مـشــيــب الــرضـــع الـولــديــن
لـنــا حـقــوق وعلـيـنـا حــقــوق ومــاحــط يــشــال=زمــــــان يــخــلــي ضـاحـكـيــنــه مـــــــن الـبــاكــيــن
مـايــنــزل بـــــه الــراحـــل ويــرحـــل بـــــه الـــنـــزال=ومـواعــيــدنــا واجــالــنـــا كـــــــل شــــــــي بــحـــيـــن
فــيــاحــظ مـــــــن طـــابــــت فـعــايــلــه والاعـــمــــال=ويـاشــيــن حــــــظ الـــلـــي لاوحــــــده ولا ثـنـتــيــن
هـــبـــوب الـــزمـــان وكــنــتــه والـــبــــراد اشـــكــــال=تـقـلــب بــــه الـدنـيــا واهـلــهــا عــلـــى الـجـنـبـيـن
ولا اقسـى علـى الصاحييـن مـن كـثـرة الجـهـال=ولا اشـد علـى الجهـال مـن سطـوة الصاحيـيـن
عـســى الله يـصـيـب مــــدور الــشــر بـالـســلال=وعـــســـانـــا لاظـــــــــلام ولاحـــــــــن بـمـظـلــومــيــن
ولانـــــطـــــرد الــمــقـــفـــي ولانـــــكـــــره الاقـــــبــــــال=ولانـخــطــي الــيـــا صـــــار مـانـقـبــل الـمـخـطـيــن
لــــو انــهــم تـنــاســوا فـعـلـنــا مـانــقــص مـثــقــال=مــن الـلـي تنـاسـوا جعـلـهـم دايـــم(ن) ناسـيـيـن
ولا تــذكــرونـــا غـــيــــر فـــــــي حـــــــزة الانــــكــــال=ليـا اشتـدت الازمـة وخـالـط صـفـا الـمـاء طـيـن
نـطـب الخـطـر والـخــوف والـمــوت طـــب هـبــال=تـــقـــول انـــنـــا بـمــقــابــل الـــمــــوت مـســتــريــن
بـنــفــنــى وتــفـــنـــى عــيــالــنــا بــــــــس لانــــــــزال=عــــزاز الـنـفــوس الــلــي عــلــى حـقــنــا عـيــيــن
عـلــى الـــراس طـاقـيــة ومــــن فـوقـهــا دســمــال=ومــن فــوق دسمـالـي عـقـال(ن) يـمـيـل يـمـيـن
ولــــــو مــاتــحــوش ايـمـانــنــا مـــــــال مـانــهــتــال=لــو الـوقــت عـــاري وجـــه عـشـنـاه مسـتـوريـن
ابــــو خـمـســة لاقـــــل مـــــن قـيــمــة ابـــــو ريـــــال=فـبـو نـصـف يـقـدر يقـتـل احــلام ابــو قـرشـيـن
مـايـوجـعــك يـالـسـائــل ســــــوا جـــفـــوة الـــســـؤال=لـيـا صــرت تقـضـي ديــن ظـهـرك بمثـلـه ديـــن
ولا فيه بيت(ن) سالم(ن) من بعض الاشكـال=وهــــدامــــتــــه قــــــلـــــــه وبـــنـــايـــتــــه كــــثــــريـــــن
لـنـا مـاضــي وحـاظــر مانـبـكـي عـلــى الاطـــلال=مـايـبـكـي عــلــى الاطــــلال يــاكـــود مـحـرومـيــن
لهـم ماضـي(ن) حلـوى لكـن حـاظـر(ن) بـطـال=وذولا عـــــرب مــوتـــى ولـــــو عـــادهـــم حــيــيــن
تـــقــــل الــعـــوايـــد يــــــــوم تــتــعــاقــب الاجــــيــــال=وســلـــوم الــرجـــال الاولــــــه تــتــعــب الـتـالـيـيــن
ولــــــــو نــــذكــــر الــــلـــــي راح يــــاويـــــل حـــــــــال=وابــعـــد روحــــــوا شـيـبـانـنــا الـــزحـــل الـوافـيــيــن
موصـيـنـنـا بـالــصــدق فـــــي الــقـــول والافــعـــال=وفـــي جـمـعــة تـهـتــاب مــــن قــوهــا الطـامـعـيـن
غديـنـا شـتــات وحـــن عـيــال(ن) عـلــى رجـــال=رخـصـنـا والاجـنــاب اصـبـحـوا عـنـدنـا غـالـيـيـن
نــحـــب الـجــمــل والـحــمــل ونــعـــذرب الــجــمــال=وهــو الـلـي يـقـود الـزمـل مــن ويــن الـيــا لـيــن
مــــــن اول يـــــــوم الـــقــــل والـــمــــال مـايــنــطــال=قـبــل شـركــة الـكـهــرب تــنــور بــيــوت الـطـيــن
يــوم ان الرفـيـق اغـلـى مـــن الـــروح والـمـنـزال=ويوم ان الرفيق ان غاب نفقده فقد(ن) شين
وذلـحــيــن الاخ يـقــاطــع اخـــــوه حــيـــل وحـــــال=ولا حـــســـتـــه الايـــــــــام ولا غـــــــــراب الـــبـــيــــن
اخــوي ابـــن عـمــي ان كـــان مـايــردع الـعـيـال =ليا عال فيني رحت به فـي ( سنـد الاثنيـن )
ابــيــعــه كــــــذا واشــــــرب ورا بـيــعــتــه فــنــجـــال=وانـــا دون عــمــري قــبــل يــولــد الــــى ذلـحـيــن
جــــروح الــعــرب تــبــرى وجــــرح الاخــــو قــتــال=وجـــرح الـعــرب واحـــد وجـــرح الاخـــو جـرحـيـن
ولـــــــو يـبــتــلــى والله مـاخــلــيــه لـــيــــن يـــهــــال=عـلــي الـقـبـر ولا انـتـصـر لـــه مــــن الـغـاويـيـن
يــقــولــون جــيــبــك اكـــبـــر اخـــوانــــك الــعــقـــال=وانــا اقــول وقـفـة الاخ تـسـوى كـنـوز الـصـيـن
عـطـانـي الـزمــن كــــل شــــي الا مــــره واطــفــال=عـسـى الله يـكـمـل زيـنـتـي فـــي الـحـيـاة امـيــن
لاتــحـــزن ولا تــزعـــل تــمــاســك وهــــــد الـــبـــال=تـرى العاقـل اللـي يحسـب حـسـاب وقـتـه زيــن
ورفـيــقــك تـحــمــل لـــــه ثـــــلاث لاشـــــك ثــقـــال=لـكــن رابـعـتـه افـطــن لـهــا واخـــذ حــــق وديــــن
والاولاد وهـــــبـــــه لاعـــــمـــــام(ن) ولا بـــــخـــــوال=عـســى الله يـصـلـح ماعـطـانـا مـــن الجنـسـيـن
يـاكـم بـنــت خـامــل جـــا ولـدهــا بـطــل الابـطــال=وكـم بنـت شيـخ(ن) جـا ولـدهـا قصـيـر ايـديـن
زكـــــــاة الـــعــــوال مـعـاكـسـتـهــا زكـــــــاة الــــمــــال=لاطـــاب الـــك واحـــد فـادفــن عـوالــك البـاقـيـيـن