مرقاب الإبداع لاحت لي تباشيره= تنسج خيوط الأمل بعد إنبلج نوره
في صبح شعراً تغنت لي عصافيره=والهاجس أطلق لبنت البوح حنجوره
تبخترت بالحنايا والحشا ديره= مرابعه من وله تهتف لأخو نوره
الحاكم اللي مشاعرنا جماهيره=له صورةًَ في صدور الشعب محفوره
بنى من الحلم واقع وأصبحت سيره=تجاوزت روعة التطوير بعصوره
أيقظ سبات الأماني وأخمد الحيره=واسترسل النور لين انزاح ديجوره
المرأه آمالها في روض تقديره=وأحزانها في ضريح الصمت مقبوره
رعى طموحاتها وأغدق لها خيره=لين أصبحت روضة الأفكار ممطوره
ياسيدي والفرح يرسم تعابيره=في وجه من تعشق العليا بصيروره
جلباب تفكيرها فكيت أزاريره=وأعتقت أماني من العادات مأسوره
طوقتها بالحياء والطهر والغيره=بالمنهج اللي من القرآن دستوره
سحايب الرأي ساقت بعد تحريره=حتى غيومه تهل وتعشب الصوره
وإن كان جو الحكي هبَت معاصيره=شموخ ضلع الحياء ماهزته ثوره
كم شور شفنا مع الأيام تأثيره=في شتى الأبعاد ساهم وأتضح دوره
حتى النبي (ص) محترم نظرة قواريره=ياما نهل من نهر تفكيرهن شوره
ملاذ الإحساس في زحمة مشاويره=من قدرهن في كتاب الله لهن سوره