يامن عليك عروق قلبي معاطيش=ضميان وابغا ارد على جم صافي
لو هو قليل من شفاتك نقاريش=من شفتك يابو الثمان الرهافي
يابو الثمان الذابلات المباهيش=أوف الوعود ان كنت بالعهد تافي
وابا ثليل منقضات العكاريش=من دون برد الشبط أبيهن لحافي
والا صداقتنا القديمة على ويش =اقبل وخلك في اللوازم سنافي
على المحجة دون دوشة وتشويش=أم الحرام الله يالادعج يكافي
وابعد عن التسويف والكبر والطيش=واترك دروب الغطرسة والتجافي
من أول(ن) حاسبك في لعبتي شيش=والحق عرف(ن) مثل عرفك يعافي
اسير حسنك عامله دون بشويش=شاف الدرك وأنته تقول العوافي
فن التخاطب تحسنه بالمعاكيش=وفن التعامل تتقنه بالخوافي
واغليك لانك حايش(ن) شي ماحيش =فك العفاف وافيك ما هو بخافي
ولاتابعوك مقدمين البخاشيش=هل الدناعة والنفوس الضعافي
أحلم بشوفك بالمساء والمغابيش=واحياء بقربك طيب(ن) ومتعافي

والا صداقتنا القديمه على ويش=أقبل وخلك فاللوازم سنافي

المشاركة الأصلية كتبت بواسطة قيس العازمي (المشاركة 1277406) ولا الحرام الله يالادعج يكافي مار ويش خليت ههههههههه صح لسانك يابو نايف وعلا شانك تقبل مروري

المشاركة الأصلية كتبت بواسطة فيصل مطر (المشاركة 1277448) والا صداقتنا القديمه على ويش=أقبل وخلك فاللوازم سنافي اههههههه ابدااااااع×ابداااااع ابونايف الروقي صح لسانك مليون ولايسدون اشكرك على هالرايعه وانشالله نشوف جديدك واول الغيث قطره تقبل مروري