شرهاتي آهاتـي وهاتـي ياجهاتـي ماتبيـن=لوهـو تمادابـي غيابـي للسنيـن أدوارهـا
ياماكتبت وتبت ماآنصفت الشمال من اليمين=فى الليله اللـي ماتسلـي بالشعـر سمّارهـا
ما مد بالتخمين ساقـي للتلاقـي خطوتيـن=وإن قلت اتوب القى الدروب تشدني بأعذارها
وآشعلت من حر الدموع شموع وأيامي سنين=شريت غالي والليالـي مرخصـه بآسعارهـا
إيه/آنت ياقلبي سبب غلبي على القاسي تليـن=أشغلت فكري وآنت تدري بالهموم ونارهـا
والوقت قاسي وآنت ناسي قصة الطير الحزين=والريشتين اللي زمان البين جـاب اخبارهـا
حلمي يشيخ وغلطة التاريخ للشـك اليقيـن=كم جاز للعكاز من حـنّ الفنـا لأعمارهـا
أقلامنا ترسم قفص واحلامنـا عصفورتيـن=قلبين عيّا البين يطلـق للحيـاه اشجارهـا
أينع ثمرها للسقوط وكـنّ أمرهـا لاتحيـن=وإذا تهاوت كم تساوت فى العيون اقدارهـا
وآخرأملها ياجملهـا لوبقـى للدمـع عيـن=حكمة كريم يقيم بيـن نجومهـا واقمارهـا
مايكرم الخطار فـي ليـل ونهـار ألا سميـن=ولا يسـاق لدلـة العشـاق غيـر بهارهـا