السلام عليكم
صباحكم ومسائكم رضى يارب
قصيدة جديدة ليّ إن شاء الله تحوز على رضاكم
يقول :

صدك وبعدك يبغى صبر وجلاده=والمشكلة مقدر على كل الاثنين
غيبتك عني مثل قطع العباده=وجهي بعدها مكتئب صاير(ن) شين
والدمع غرّقني وكل الوساده=من كثر مـ / أبكي وأرتجي جعلك تلين
هذا حطب وصلك وهذا رماده=وأنا ترى رمّد فؤادي من سنين
شفني بعد ماغبت عفت السعاده=اللي منوّل وسط عرق الشرايين
ياوجد حالي وجد منهو مراده=أنه يشوف اللي على القلب غالين
لكن وقته والعنا والقراده=حطت جدار(ن) كنه جدار برلين
بينه وبين اللي غلاهم عياده=تعالج جروحه من الهم والدين
كنه وكني بالأصل والشهاده=لكن هوه وين وأنا بعد وين
زادتني الدنيا وهمي زياده=لخصتها دمعة وبكوه وبيتين
ياجرح قلبي يادواه وضماده=وشفيك تبعد والعمى داهم العين
في ذمتي غيبتك ماهيب عاده=أرجع عساك تداوي القلب ويزين