الله مــــن نــــارً شـعـمـهـا بـجـاشــي=شـوقـي لـهـا مــن بــد كــل العـشـيـره
اللي من اجل عيونهـا جيـت ماشـي=الاحق اخطايه بسرعه خطيره
حبـيـبـتـي ذات الــقــوام الـنـشـاشــي=مامثلهـا عـلـى ارض شـبـه الجـزيـره
فرصـة لـقـاي ابـهـا تـزيـد انتعـاشـي=وخيول شوقي مسرجات ومغيره
احـبـهـا حـــبً مـاهــو تــــو نــاشــي=مـن يـوم انـا صغـيـر وهـيـه صغـيـره
كبـر معـي منـذو الطفـولـه وعـاشـي=بـنــالــه بـقـلـبــي صـــــروحً كــبــيــره
حـــبً مـــن الارواح مـالــه تــلاشــي =يـزيــد مـــع زود الـعـمــر والـمـسـيـره
حـوريــةً مـعـهـا يـطـيـب الـمـعـاشـي=منـهـا النـسـاء مـاتـن غـبـنً وغـيــره
استعـرض صورهـا وانـا فـي فـراشـي=مــن بــث شـاشـات الخـيـال المثـيـره
اي والله اعشـقـهـا ولابـــه تـحـاشـي=عـشـقً رضـيـت بـكــل شـــره وخـيــره
في شخصها مسمع لمغرض وواشي=ماغيـر قلبـي فــي هـواهـا استشـيـره
ياهـي مـن كــل النـسـاء يــا بـلاشـي=مـالــي بــهــن لــــو الـمـزايــا كـثـيــره
يـاعـاذلـي بـــلاش كــثــر الـنـقـاشـي=لا اتـطــول الـقـصـه تـراهــا قـصـيــره
تبـا الحقيقـه مـثـل مــا قـيـل كـاشـي=بـالـحــب هــــي الاولـــــه والاخــيـــره

المشاركة الأصلية كتبت بواسطة سلطان السليفي (المشاركة 1276529) بالحب ماهي الاوله والاخيره ابداع يا عثمان امتعت بقدر ما ابدعت

المشاركة الأصلية كتبت بواسطة عايض جزاء العصيمي (المشاركة 1276530) صح لسانك على هالرائعه تقبل مروري