يابو جزاء وش بلى القلب متعبني=والعين هلت دمعها وانتثر ماها
والهم في وسط الحشا قام يشعبني=مثل راع الطرش فالقفر يسعاها
كني المديون والناس تطلبني=ليت عندي مطلب الناس ورضاها
لي عميل(ن) تالي العمر منشبني=يطلب اللي بين الاضلاع منشاها
يبي ياخذ روحي اللي تعذبني=ما كفاه انه من سنين عناها
جرها بيديه للموت يسحبني=لناره الحيه يبا الروح تصلاها
كنت انا وياه واليوم جنبني=والمحبه ما يبا عاد طرياها
معرف الاسباب هاذا سبب غبني=ليتي اعرف قليل(ن) من خفاياها
حسبي الله عليه انكان مذهبني=الموده كيف قفت به مطاياها
كنت انا المحبوب دايم تقربني=واشرب الشهد المصفى من ثناياها
وان هرجت بهرجة(ن) ما تكذبني=تفرح بكلمتي لو تاه معناها
اشتري وابيع ماهي تحاسبني=وان طلبت عيونها ما تغالاها
الحسود اللي بعينه مصوبني=يالله انك تجعله من ضحاياها
ويالله اني دخيلك لاتعاقبني=وترحم اللي عجز بالحب ينساها

الحب عانه يابو تركي مشيبني=وغيري وغيرك كثير العالم افناها
حطت بجوف اللحود وفوقها اللبني=اللي تغدا بها واللي تعشاها
(قيس الملوح)و(عنتر ) قد كلوا تبني=(وابن الدجيما) من الحب راح بيداها
وانا هذا اللي مخوفني ومرهبني=من علة(ن) يبحل الدكتور بدواها
بعض المحبه تهد الحال ما تبني=عينت وين القصور اللي بنيناها
مع واحد(ن) قام يدرجني ويلعبني=ويتلني مثل تل الدلو لرشاها
حبه من الراس للاقدام شاربني=مابه خليه بجسمي ما تغشاها
احس باغراي زايد فيه يجذبني=وفيت له بالمحبه مار ماوفاها
اثره يخطط على قلبي بينهبني=ياخذ قلوب الاوادم ثم خلاها
اخذت درس(ن) من الايام توبني =صرت احسب حساب للجايات وادراها
من ذلتي لا شباك الغدر تقضبني=احسب لسودا الليالي قبل باضاها
والحاجه اللي لسوق الموت تجلبني=احسب لها قبل تاقع واتفاداها
لو عندها الناس لاقفيت تشذبني=لا انشد عن اللي تقول ولا اتقفاها
ما ابيع واشري بسوق(ن) ما تكسبني=من قدم الطيبه للناس يلقاها
وبعض الشكاوي تزعلني وتغضبني=من يوم جتني ونوم العين ما جاها
ومدام رجلي على الميقاف تصلبني=ما صد عن راعي الشكوى وانا اقواها
والحق والماقف الغصاب يغصبني=لو كان لا امر على العالم ولا انهاها
عن قولت فلان نخيته وخيبني =باطرد ورى شرهتك لين الحق اقصاها
والا انت تبغى هواجيسي تقالبني =في حاجةٍ لا اعرف اولها ولا اتلاها
قلي مطالبك وشهي يوم تندبني=وابشر بها كلبوها ل ان قدرناها
وكانك مغار تحفر عني بتنكبني=وتردنا للعلوم اللي تركناها
فالحب غلاب وانته لا تغلبني=النفس مغار بالمشعاب نحداها
والله لو الناس قاضي حب تنصبني=يابنت حواء لذوقها سواياها
لسوي ابها السواه اللي تناسبني=تهرج بها قاصي العربان و دناها

والله لــو الـنـاس قـاضـي حــب تنصـبـنـي=يـــابـــنــــت حــــــــــواء لـــذوقــــهــــا ســـوايــــاهــــا
لــســـوي ابــهـــا الــســـواه الـــلـــي تـنـاسـبـنــي=تـهــرج بــهــا قــاصــي الـعـربــان و دنــاهــا