يازايد الفيصل ترى رأس لابه=أصله وفصله ضاربة عمق الأمجاد
أمير لكنه ملك بالمهابه=شبل الأسد صحيح للعلم سداد
ما قاله الفيصل ترى بالنيابه=عن خادم البيتين وشيوخ وأجواد
قاله وبعد القول فيه إنتدابه=يشوفها بشار والظلم ينباد
وقت اللزوم يزوم راعي صلابه=وحنا على جنبه جماعات وأفراد
عتادنا جاهز شباب وشيابه=والشام شام العُرب من عهد الأجداد
إن قال هيا كل أبونا حزابه=في ساعتين الحق للشام ينعاد
باللي لها متن السحايب طلابه=ترجع مدرجها قبل قدح الإزناد
يغدي قصر بشار فوقه خرابه=من شدة الضربة يضيع التشهاد
ما ينفعونه مشبهين الدبابه=ولا تنفعه طهران وغواية انجاد
ما يقدمونه ما يساوي ذبابه=أخره للنقصان لو غره وزاد
دام الخليج أعلن عليه الصبابه=بيصير له ماصار في جوف بغداد
أخواننا بالشام دين وقرابه=واللي يصير يفطر قلوب وأكباد
شوف الشعوب من الجرايم مصابه=كل مسلمٍ(ن)يحس بالجوف وقاد
كل القبائل خندفي مع شبابه=مع الملوك اللي لها الحق ينقاد
يازايد الفيصل ترى رأس لابه=أصله وفصله ضاربة عمق الأمجاد

ياسعود أبن فيصل ياوين الغرابه=إذا أتخذت الموقف الحازم الجاد
أبوك قبلك حطهم في ضبابه=يوم أوقف من الغرب ياسعود الأمداد
في رعب عيشهم زعيم الذيابه=وحسوا بقيمة أمة ٍ تنطق الضاد
وبينك وبينه ياشبيهه تشـابه=لاهان راس ٍ نظرته كلها أبعاد
ماعاد فيها يأبن فيصل لبابه=نبي قرار ٍ ينقذ أعباد وأبلاد
بشار كنه عايش ٍ وسط غابه=يدمر بلاد ويذبح بجنده أعباد
وخليجنا له يأبن فيصل مهابه=ست الدول فيهاسـلاطين وأسياد
قوم ٍ إلى سلت سيوف الحرابه=قبل النصر ماعاد للساطي أغماد
ومن يتخذنا للمشوش عصابه=له يخضع المبغض وعاصي وحساد
وبديارنا قبر النبي والصحابه=والبيت والدين الحنيفي بها ساد

المشاركة الأصلية كتبت بواسطة عثمان الثبيتي (المشاركة 1274817) صح السانك يالنجم وبيض الله وجهك وصح السان المري والله يطول عمر ابو فيصل ويحفضه

المشاركة الأصلية كتبت بواسطة الخضارمي (المشاركة 1274827) بسم الله الرحمن الرحيم يستاهل سعود الفيصل وموقفه على الراس والعين ولخادم البيتين ابو متعب الفكر والروح والقلب غصب ينقاد

المشاركة الأصلية كتبت بواسطة محمد الذيابـــي (المشاركة 1274870) صح السانك يالنجم وبيض الله وجهك وصح السان المري والله يطول عمر ابو فيصل..

المشاركة الأصلية كتبت بواسطة عايض جزاء العصيمي (المشاركة 1274955) صح لسانك و صح لسان زايد المري وموقف سعود الفيصل ليس بستغرب عليه الله يطول عمره تحياتي لك