سفر الدغيلبي وعبدالله العير
 

هذه المحاورة بين الشاعرين عبدالله العير{رحمه الله} وسفر الدغيلبي


سفر الدغيلبي:

بعدما وصلت لحفلكم يالعضيلات
سلامي عليكم والسـلام المبـدا

تدوم السعادة والفرح والمسرات
ويقضي على الفتنة ملكنا المفـدا


عبدالله العير:



هلا مرحبا يالي قطعت المسافات
ولاكـن ريـح عندنـا لاتعـدا


تمنا ولك ياصحبي عشر نيـات
عيونك على جدة وقلبـك لحـدا


سفر الدغيلبي:

ليا من صرفتوا يامطير الجنيهات
نجي ونتعشـى عندكـم ونتغـدا

انا شفت لاسمك فالجريدة علامات
ومن طيب فعلك يالمطيري تحـدا


عبدالله العير:

جنيهات ماحاصل جنيهات هيهات
يكفيـك منـا خبـز ولا مرنـدا

أنا مع عتيبة ما قطعت العلاقات
وانا مع لحومي ياسفـر ماتـردا


سفرالدغيلبي:

هذا نقص منكم يارجال الشكالات
ياليت ان شاعركم تركـد وهـدا

تنقدت فالعالم وزوّرت الاثبـات
تبي مثل فعل الي على الرجم عدا


عبدالله العير:


والا يالعتيبي لاتحسف لمـا فـات
لياجات من يمك ماعنهـا مصـدا

ترى نصف ماتقراه كذب ودعايات
على الغافلين وكل من جـاب ودا


سفر الدغيلبي:



إذا كان لك هقوه فاللناس هقوات
ومشي البحر نوعين جزر ومدا

طرحتوالكم طيارة من السموات
وهذي بسيطة مع علـوم تـردا


عبدالله العير:

انا قد عرفتك ياسفر من سنيات
تبا الامر مير الامر دونك يلدا

...



لا هنت على الطاروق الجميل


والله يرحم الشاعر عبد الله العير..


......