سلام ياشيخٍ على الطايله بان=تشهد له فعوله للأدنى والاقصين
رمز الشيوخ الي لها المجد عنوان=تاريخهم نوماس كل الدعاجين
الهيضل محمد كما السيف شامان=يبتر برايه صايب الامر ويبين
مايعتذر لاجوه للحق عربان=يعيش ابو تركي حفيد السلاطين
ياكثر فزعاته محمد كحيلان=هو مزبن الجالي كعام المعادين
اليا هرج كن الحكيمين بلمان=واليا تزهل اركدي ياشياطين
في وسط ربعه يبني العز والشان=يسوق جاهه لو تزيد الملايين
تفخربه عتيبه شبابٍ وشيبان=راع الوفاء يبقاء على العسر واللين
الله يحفظه من صواديف الازمان=ويبقى على عزه ومعزه على الدين