عزي لمن مثلي هواجيسـه أنـواع=أزريت أميزها مـن أيـات نوعـي
ليامسى علي الليل هاضت لي أرباع=روابع(ن) منها تضيـق الضلوعـي
ياما سهرت الليل والنـاس هجـاع=كم ليلت(ن) نومي على راس كوعي
من لي زمانين (ن) وأنا هوم مطلاع=لاميس(ن) منـه ولالـي طلوعـي
أهوم هومات أشقر الريـش لافـاع=لاشك ماساعـف زمانـي لفوعـي
الحـظ عيـأ لايساعـف للاسنـاع=عيأ يسانعلي وأنـأ لـه سنوعـي
متخالف(ن) وقتي وحظي بالطمـاع=كل(ن) بالاخر من رداهن طموعـي
والنفس من عزه عن الخيم تنصـاع=مانزلت منـزال رجـل(ن) دنوعـي
أحيى وموت إبعزهـا يابـو جـزاع=وش عاد لوسميت رجل(ن) جزوعي
أجزع إليامن شفت أنأ الرجل مرياع=مرياع لعلـوم الـردى لسموعـي
اللي لهرج (ن) بالقفأ خص مذيـاع=اللي مشأ لبليس في كـل طوعـي
بعده ربيع القلب وأخظـارت القـاع=لوهو ولدعمي من أدنى الربوعـي
قرب الردي يرث على الكبد الاوجاع=وعزي تره فرقا ه لومـت جوعـي

المشاركة الأصلية كتبت بواسطة عايض جزاء العصيمي (المشاركة 1273251) صح لساااااااااانك

المشاركة الأصلية كتبت بواسطة فهد علي العازمي (المشاركة 1273262) والنفس من عزه عن الخيم تنصـاع***مانزلت منـزال رجـل(ن) دنوعـي أحيى وموت إبعزهـا يابـو جـزاع***وش عاد لوسميت رجل(ن) جزوعي أجزع إليامن شفت أنأ الرجل مرياع***مرياع لعلـوم الـردى لسموعـي اللي لهرج (ن) بالقفأ خص مذيـاع***اللي مشأ لبليس في كـل طوعـي صح لسااااااااااااانك جزاااااااااااالة و إبدااااااااااع أطربتني