الهيـــــــــــــلا *** منتدى قبيلة عتيبة

يابو بدر حركت فيني مواجع
مواجعٍ درايتها لاجل مـــــ انهار

ذكرتني يابو بدر بالمـــــــــواقع
اللي لها في داخلي الف تذكار

ذكرتني يوم اللقا والمــــــــوادع
وتلويحة الكفين ودموع واسرار

وذكرتني اللي كل ماقلت راجع
عد الثواني والدقايق ولامتـــــار

وان شافني مايملك الا المدامع
وقام يتحضني بلا اشعور وافكار

ماهو مصدق حلمه يسير واقع
ترجف يديه وكن في صدره الطار

من كثر خوفه محتويني وراكع
يخاف من بكره ولفات الاقدار

اموت فيه ان قال لي انت سامع
يحرم عليك انك تخطي ورى الدار

واموت لامنّه لعب بالاصــــــــــــابع
من بين شعري وايتغزل بالاشعار

الله يا وجهٍ كما النور ســـــــــــاطع
وانفاسه اللي كنها عطر الازهـــــــار

والضحكه اللي سرها حيل باتـــــــــع
ما كنّها الاعزف باوتار قيــــــــــــــــــثار

مثل البدر لاوالله الفرق شــــــــــاسع
هو في جميع اوضاعه يشع بانـــــــوار

يا وجد قلبٍ بين الاشــــــــــــواق ضايع
ما يقتنع بالواقع وكثر الاعـــــــــــــــذار

واذا عذلته قال هذي !!!!!ودايــــــــــــــع
والله ما بيعه ولو صـــــــار ما صـــــــــــار

كيف اعتذر من شرفته والشـــــــــوارع
لاساقني شوقي لها دون ما اخــــــتار

وكيف اعتذر من طيفه ان قال بايـــــــــع
لا والله الموت !!!عن قــــــــــــــول غدار

شفني على ذكراه للوصــــــــــل جايع
وهو على ذكراي يعطش للاخـــــــــبار

يا بو بدر قلبت فيني مـــــــــواجـــــــــع
ارفق على صاحبك قرب وينهـــــــــــــار