انته علامك على دربي تكثف زرع الالغام ( سلطان و سلطان ) ...
 

بسم الله الرحمن الرحيم



السلام عليكم ورحمة الله وبركاته



طاروق لـ الشاعر/ سلطان الجلاوي مع الشاعر/ سلطان الهاجري ...




سلطان الجلاوي

في حفل شيخً مثبت شيخته من ماض الايام /:/ سلام يا الحاضرين و نايف الله لا يهينه ..
انا ملاحظ ولد وسام و اشوفه من العام /:/ يلد فيه و انا افهم وش ورى لدات عينه ..


سلطان الهاجري

يا مرحبا بـ النيابه عن كثير و عن بني لام /:/ قال المثل كل رجالً و ما مدت يمينه ..
حنا نشوف النشاما كلهم قدام قدام /:/ و اليا قلطنا نبا نقلط على صحن السمينه ..


سلطان الجلاوي

انته علامك على دربي تكثف زرع الالغام /:/ الظاهر انك تحسب انك لحالك فـ المدينه ..
تحمد الله على النعمه لا تشنق مثل صدام /:/ يا الهاجري لا تغويك الشياطين اللعينه ..


سلطان الهاجري

عوذ من ابليس يا سلطان لا تغويك الاوهام /:/ ترى البلاء يا الجلاوي فـ السيور و فـ المكينه ..
حنا نحاول نوحد صفكم فـ الغرب و الشام /:/ و انتم رطنتم رطينه و اختلف معنى الرطينه ..


سلطان الجلاوي

تبغى الصراحه يا بن وسام لو غرتك الاحلام /:/ كم مجرمً ينفي الاجرام و اجرامه يدينه ..
انته تحاول لكن المشكله في بث الافلام /:/ مير الاسد يا ولد وسام ذايد عن عرينه ..


سلطان الهاجري

حتى لو اليهودي مات لا صلى و لا صام /:/ انتم على دينكم و هو على طبعه و دينه ..
الله يعز الملك و يعزكم يا جنود الاسلام /:/ الرجل بـ ايديه لا يقعد يطق اصبيعينه ..


سلطان الجلاوي

الدين الاسلام يا سلطان لكن قل لـ الاقزام /:/ ما فيه امل بـ اذن ربي يقربون من السفينه ..
اعلامنا شامخه يا اللي تبى تنكيس الاعلام /:/ و الوقت يا الهاجري ما همنا زينه و شينه ..


سلطان الهاجري

يا الله يا ليت الدفاتر يا الجلاوي كثر الاقلام /:/ يمديني اكتب هذاك الخبز من هاك العجينه ..
ان كانها بـ الشعر يا صاحبي ولا بـ الاحجام /:/ عز الله انها وطتك ايدينها و الدرب وينه ..


سلطان الجلاوي

لو ان ربي عطاني موهبة فني و رسام /:/ رسمت صورتك يا سلطان في داخل جنينه ..





آتمنى ان يرتقي لـ ذايقتكم ... آخوكم/ بندر المقاطي





الطاروق حصري لـ منتدى الهيلا ...

..


لا هنت يالغالي على النقل الر ائع..

....

محاوره في قمة الابداع

لاهنت على النقل