ليتها كانت عقيم وريحتك وريحتنا=لا يحسبونك علينا رجل يامال القراده
نصبتك نصبة سنافي والفعايل فَضْحتنا=الإسم مزيون والأفعال فعل ام القلاده
إن نشدتك قلت مدري ماتسمع منصحتنا=لا تقاد ولا تساق ولا أنت كفوٍ(ن)للقياده
شرهة العاقل على اللي بالخطأ ما صارحتنا=الله إنه لا يبارك فيك ياعين الجراده
فرفرت بجناحها من يوم بالعين لمحتنا=بس ما راحت بعيد موقعه وسق العراده
ذبحها ماهو بمعجزنا ولاهي فادحتنا=البلادة طبعها والذل نوع من البلاده
لو ذبحناها ترى العربان ماهي مادحتنا=وإن تركناها ثمار بلادنا تأكل حصاده
تستظل بظل طلحة طلطحت ما طلطحتنا=قُدمها نارٍ(ن)وقايد مابعد صارت رماده
غاطسه في نومها ما صحصحت مع صحصحتنا=فوق غصنٍ(ن)ملتوى والشوك للقشرا وساده
بيتها أوهن بيوت الخلق شنهي مربحتنا=فيك يا بيتٍ(ن)تلفلف فوق غصنك يا كتاده
مسبحتها يعلم الله ما تشابه مسبحتنا=والخلائق تختلف بالشكل وأيضا بالعباده
وانست للي مخادنها وناسي مصلحتنا=العقيرب سمها بذنيبها والغدر عاده
والله إني ماعلي تضيق والا سامحتنا=كلها عندي سوا ما للحديد إلا الحداده
إستكني ياطيور الليل دامك مروحتنا=والله إنك ما تحومي ملعنة وإلا نكاده
ياطيور الليل باتي لا تحومي ببرحتنا=دوري لك مرقصٍ(ن)عنا بعيد بلا هواده
لو مناقيرك حديد نقصها لو جرحتنا=دامت إن الرأس ثابت والفكر حاوي رشاده
ذابحينك ذابحينك لا تجلي سارحتنا=موتةٍ(ن)ماهي على سنة ولا حق وشهاده
ليتها كانت عقيم وريحتك وريحتنا=لا يحسبونك علينا طير يامال القراده

المشاركة الأصلية كتبت بواسطة فايز بن سرحان الثبيتي (المشاركة 1269188) لو ذبحناها تـرى العربـان ماهـي مادحتنـا وإن تركناهـا ثمـار بلادنـا تأكـل حصـاده لو ذبحناها تـرى العربـان ماهـي مادحتنـا وإن تركناهـا ثمـار بلادنـا تأكـل حصـاده بيت من ذهب " هذي من اثار الحرب البارده على مايقولون " ردة فعل قويه يالنجم صح لسانك ملاييين

المشاركة الأصلية كتبت بواسطة غالب الذيابي (المشاركة 1269194) :: : : : : صح لسانك . : : : : :

المشاركة الأصلية كتبت بواسطة ابن سلوم الهيلوم (المشاركة 1269205) كعادتك نجم يالنجم الاسم نجم والقصايد نجوم صح لساااانك لين ترضى