أقررررب شـــاعـــر!!
 

في منتدى الهيلا هل الوقفات والمجد التليد
..........سلام تسليمة وفاء على الرجال الوافيه

غبت ورجعت لكم وأنا جايب لكم علمٍ جديد
..........والله هـو اللـي عالـمٍ بالبيّنه والخـافيـه

..


صح لسااانكـ


والحمد لله على السلامه


وصح لسااان قبيلكـ,,


,,,

محمـــد الذيابــي صح بدنك والله يسلمـــك ..

يامرحبا ويومَ يردك للقبيله يوم عيد

نفرح ليا شفنا جماعتنا بخير وعافيه

اقرا علينا ارسالتك بشويش ياساع يالبريد

الحر يفهم بالاشاره والاشاره كافيــــــــــه



.

الله يبارك فيك وانته ويش عندك من رصيد
.............أصحى يانايم لاتسوي مثـل ناسٍ غافيـة!

الشاعر اللي مايفيد مع الرجال ويستفيد
.............أحسن له أيريّح تحت كم العباه الضافيه

..


صح لسااااااااااااانكـ يامهنا...


متااااابع.


...

والله لو انك تنافـس (بامجلي) (والوليد)

مااحدن بقايل ,والنعم بك وانت نارك طافيه



ماشاب راسي ياطويل العمر غير من القصيد

لو الشعر في نهاية الموضوع وزن وقافيـه

صح بدنك

ومتابعتك محل اهتمامي......

ناري توهجر وانت يارجال خلك من بعيد
.............حذرا على جمر الغضاء تاطاء ورجلك حافيه

العمـر ينقـص يامهنا لا تحسب انه يزيد
.............والستـــر ضافــي والنوايا يالعتيبي صافيه

الله الله يسعدكم وصحة الالسن وبيض الله وجيهكم انشهد هذى المحاوره ولا فلا