الهيـــــــــــــلا *** منتدى قبيلة عتيبة - مصـــآفحه أولـــى{ســآلم ألزيــر}

- قصائد الأعضاء (http://www.otaibah.net/m/forumdisplay.php?f=10)

- - مصـــآفحه أولـــى{ســآلم ألزيــر} (http://www.otaibah.net/m/showthread.php?t=135535)

مصـــآفحه أولـــى{ســآلم ألزيــر}

قصيده ألقيتها في مجلس لابتي الزوران
اتمنى ان تحوز على رضاكم

سلام يامجلس به الجود والخير
عساه عامر مع مرور الزماني
ويا مــرحبا ترحيبة اطويق والنير
ترحيبت{ن} تــشبه لبن اليماني
يا هــاجـسي عجل بزين التعابير
واخلط على بن اليمن زعفراني
واحكر لــنــا دله تسر المسافير
بعد وصــلــك الـدور جر الحاني
رجــل{ن} يكمل واجبه بالتقادير
نــذبح على شانه كبار السماني
اليا نخيت ابوقفته ســـالم الزير
الله يبارك بالــرجــال الحـساني
والشعر يقدح من هجوس المناعير
نبحر على جاله بحور المعاني
للــخيـــل خـــيــاله وللنار شرير
وللشعر شاعر ياطوال اليماني
بعد وفات احمد رحمه الله الطير
البيت شيد فوق عــمد الـــمباني
ماكل مزنه تسقي الأرض بالخير
الخير لا لاحـــت صدوق المزاني
والشاعر اللي يدهن السير ويسير
مهو عتـــــيبـي لو يقول الفلاني
واخر كلامي مابها العلم تقصير
هذا قــــصيـدي صح ربي لسآني

انت سبقتنا وقلت صح ربي لساني

وحنا نقولها بعد

لاهنت

صح لسانك يالإزوري .. وافي ولإبتك وافيــه

صح لسانك ونعم بالزوران معروفين ويستاهلون النعم وازود
لاكن انت ليش كاتب الازوري طال عمرك
تقبل
مروري

صح لسااانك ونعم بك وبقبيلتك

صحت الله ابدانكم جميع
وماعلاكم زود
انورتواا وبارك الله فيكم
اخي فيصل مطر مافهمت سؤال تبيني اتجرد من القبيله ولا ويش قصدك سلمك الله

صح لسانك ويستاهلون ربعك