جات الهجوس اضيوف ما لي معاذير=وأنا معزبهـا واشّـرع لهـا أبـواب
للنـاس تصويـرٍ وللبـال تصـويـر=يا عبيد بن درهوم سجّـل لنـا كتـاب
مثلـك عزيـز ولـه معـزه وتقديـر=هات القلم والطـرس فالبـال هنـداب
ترا قنـاة الشعـر مـن دون تشفيـر=ما بينها واللي حضر ستـر واحجـاب
يا بن ملافخ كـن فالصـدر أعاصيـر=ومما وهج في خاطر الحارثي جـاب
وعلى الورق سطر حـروف وتعابيـر=سهران منها ليل والقـاف مـا شـاب
تـارد تفاكيـرٍ وتـصـدر تفاكـيـر=لين المعاني جـات كالسيـل منسـاب
لاعتني الدنيـا وأنـا تـوّي اصغيـر=ولا والله الوعاتهـا نحسـب احسـاب
حتى نحقق ما علـى البـال ويصيـر=اليـا ارتكينـا للصعايـب والانشـاب
واجدادنـا قـادو ضعـون ومظاهيـر=والمجد عدو له علـى كـل مرقـاب
وإن كان ما فينـا طمـوح وسعاطيـر=اليا ذكرنـا فعـل زاكيـن الانسـاب
يحـرم عليـنـا عشقـنـا للغنـاديـر=ولبس البدال وسكبة الـراس بالكـاب
والرجل يحرم شوفـة العـز والخيـر=لا صار في ولية حساسيـد وأحـزاب
والمجـد يبغالـه رجــالٍ مناعـيـر=واللي يعنّزها على الـرب مـا خـاب
بقدامهـا تقطـع طـوال المشـاويـر=وتدعس على العقرب وتاطا على الداب
من طالـت حبالـه ورد جمـة البيـر=يا ملحـق الطّيـب مشاريـه وعتـاب
ترى الزناتِي صخّر الصعب تصخيـر=ويعرف عذابه رمح أبو زيـد وذيـاب
ويا حيف يا بعض النفـوس الخنازيـر=معدومة الغيـرة والاحسـاس كـذاب
أدري بها لو تضـرب القـاع وتطيـر=أو تندرق مـن خلـف دروازة البـاب
يا هجر فكري صلف مثل المعاصيـر=من قبل أحب وصار لي وسطك أحباب
يـا هجـر حدتنـا عليـك المقاديـر=جيناك غصب وكل شيٍ لـه أسبـاب
ولا مصبرنـي علـى مسكنـك غيـر=قرمٍ ذراه امذري أصحـاب وأجنـاب
قـرم بذكـره تستـعـد الطوابـيـر=ويفدا شنب سلطان بن صالـح أشنـاب
بوجود ابو فيصـل تهـون المعاسيـر=وإن غاب عنا غاب عن السعـد غـاب
ونخرم على شوفه طويـل الأشابيـر=خرمة جنـابٍ لشقّـر البـن شـراب
واحلف بمن ينشي المـزون المزابيـر=أن اللواء ينظر لك ابحـب وعجـاب
وحبي لك الحاله يا بوفيصـل امثيـر=حب العواجيه لسعـدون.... وحجاب
والحلم واضح ما يبي الحلـم تفسيـر=ومن لا فهم حطه على الضرس والناب

ثواب

صح للسانك ملايين

شاعر بحجمك مايجيب الى كل طيب


وبن ملافخ يستاهل


بيض الله وجهك يالقرم


اخوك