ياصاحبي لا تلحق اللوم بعتاب = وانا زماني شق صدري بسيفه
دامك معي من سطوة الوقت منصاب = لاتعاتب المجروح وانته رديفه
انته وانا في عصرنا مثل الاغراب = نمشي مع الشارع ونكره رصيفه
نفرح ونستبشر مع الوقت لاطاب = ونضيق لا صارت همومه كليفه
تسوقنا القسمه مع دروب الاسباب= على جحافيل الظلام المخيفه
اثر الامل كذاب والوقت كذاب = والناس كذابين منهم نصيفه
صدق اخدعتنا ضكة السن ياعقاب = ولا غرنا غير النوايا العفيفه
بمعاديً متلبسً ثوب الاحباب =نذلاً يغش اهل القلوب النظيفه
الغدر شايع وانتشر بين الاصحاب = حتى الحليف اليوم باق بحليفه
عصراً مضى نفدا بعضنا بالارقاب =والقصد سامي والمبادي شريفه
والبوم نصابً يجامل لنصاب =مخادعً غر الخلايق بزيفه
تسودنا في هالزمن سنة الغاب = المجتمع ياكل قويه ضعيفه
كانك فقير يصك في وجهك الباب = وكانك غني تقلط على اعز ضيفه
وقت الغناء الفاحش طغاء فوق الانساب = واطفاء وهج راع السيوف الرهيفه
يرفع مقام اشناب ويطمن اشناب = ويطمع الخادم بعرش الخليفه
يعني يذل الروس ويعز الاذناب =ضفاء براده فوق لاهوب صيفه
حتى الصقر وقع على وكره غراب = بالساميات الطايلات المنيفه

الله على قافٍ من الفكر منساب=من شاعر ساق العلوم الطريفه
يسجد لرب العرش في كل محراب=شعره مثل جني اللي رويٍ صريفه
أسد ليا حول بنابٍ(ن) ومخلاب=صيدته تغدي من فعوله نتيفه
وأنا أشهد إنه دوم للجزل كساب=شاعر عريف ومن رجالٍ عريفه

المشاركة الأصلية كتبت بواسطة سعد حميد الثبيتي (المشاركة 1267081) فعلا هذه شريعة الغاب وسنته مثلما قلت لافض فوك ياشاعر قبيلتنا ولسانها المفوه لك مني اجل تقدير واجل متابعه واعجاب بما خطته يمينك وصاغه فكرك النير وبما ستخطه لاحقا تقبل تقديري واحترامي والى الامام حفظك الله ورعاك ياابا مشعل

المشاركة الأصلية كتبت بواسطة *النجـــــم* (المشاركة 1267083) الله على قافٍ من الفكر منساب=من شاعر ساق العلوم الطريفه يسجد لرب العرش في كل محراب=شعره مثل جني اللي رويٍ صريفه أسد ليا حول بنابٍ(ن) ومخلاب=صيدته تغدي من فعوله نتيفه وأنا أشهد إنه دوم للجزل كساب=شاعر عريف ومن رجالٍ عريفه الشاعر عثمان الثبيتي صح لسانك للرضا جزلة من شاعر جزل بيض الله وجهك وأمل قبول تواضع مروري

المشاركة الأصلية كتبت بواسطة محمد القوس (المشاركة 1267084) صح لسانك وبيض الله وجهك على هالقصيده الجزله شاعر علم

المشاركة الأصلية كتبت بواسطة فهد الدقيس (المشاركة 1267765) يا لطيف يا لطيف ويحكي , يا ريشَةَ الرسام ! أيُّ رسم .. وأيٌ نحت .. وأيٌ حَكَايا ,, لاتَجْلِبَ الحيره والاستغراب .! ولاتزرَع في صُدُورِ المارينَ والقارئينَ حقُول الأسئِلة ؟! شاعرنا العذب " عثمان " حملتنا على قمة جبل بغمضة عين للأسف...كيف ومتى لانعلم .. مبدع لك من مولاك ماسعدك وارضاك يـا بن العم أخوكـ ’ فهـد الدقـيس ’