سلام الله سلام اسلام في حفلة رجال هذيل=أهل وادي المضيق اللي نمره بالسنه مره
انا ودي اجيهم في جبلهم كل يوم وليل=لحيث جبالهم في شكلها قطعه من الحره
هلا يامرحبا ترحيب مثل البن فوق الهيل=يا طرقي ليا قصيت لك فالدار لك جره
بعيد يا الزلامي عنك بعد الجدي ولا سهيل=وانا ماخبر لكم فديارنا مايازن الذره
محمد يا رفيقي لا تزد ملحها بالحيل=ترى كبدي على واحد من الهذلان محتره
اجل ماعاد ابي ديرتك ياجعله يجيها السيل=بلاش من الجبل ماعاد ابي خيره ولا شره
ترى الميزان بالميزان والكاله تجيب الكيل=ليامنك بغيت الحلوة اصبر وابلع المره
ليامديت رجلك خطوتك تسبق جياد الخيل=وانا اعرف الحسودي واكحله بالكحل واذره
انا مابغي لك الاحراج انا مارضى عليك الميل=دفعت الباخـره لكن جات فـالبحر مفـتره
مادام الضيف يطلب شي ومحمد عليه بخيل=وابن سودا صديقه مار ماسره ولا ضره
اخذ علم الحقيقه واترك اهل القال واهل القيل=ترى مـن طبعنا ما نوعد الرجال ونغـره
اليامني عرفت انك مبتل وزعتك تبتيل=فزعت بفزعتي مع عزوتي والعين محمره
علوم محلله من عصر مايبغالها تحليل=وانا والله عارف يا هذيل دميكم حره
مانشرب بدرت الراعي واحنا فوق شاط النيل=وصار العلم بجناح العمامهواحكم الصره
مادام انك تعرف العلم ليش تحط ليش تشيل=توكل مايهاب الغبه اللي يرغب الدره
مساجدكم كثيره واسمع التكبير والتهليل=واظن اعلومكم راحت مع الفوال والجره
بغيت اقنع بغيت ارجع وحيلك ياقوي الحيل=لكنك قلت لا تقنع وهذي هرجت القره
انا عيني تشوف الدرب مايحتاج لي دربيل=لو امسك راعي الجره برجله جيت مجتره
ترى الموجز بدايه بعده الأخبار بالتفصيل=يجيك العلم من بطن البحر ويجيك من بره
تشوف الدرب عينك مار بعيونك تشوف الويل=تقرب من عراقيب الجمل كره بعد كره

يا سلامي ها السلام اللي خفيـف ٍ دمّـه=معه جنسية ويبغى لـه جـواز سعـودي
مشكلة صياف صارت بين ابـوه وعمّـه=والسبب ناس ٍ تدق الملـح والبـارودي
مرحبا بالشاعر اللي مـا قـدرت آذمّـه=الليالـي مـا تغيّـر والزمـان ايعـودي
الزلامي معه علـم وكـل شـي ايهمّـه=مير لو يزعل تغيّـره الليـال السـودي
كيف تدلي بالشهـادة يـا كبيـر الذمّـه=وأنت ما شب الك ضوّك غير قدح زنودي
صرت مثل اللي كبر وانكر لبن ديس امّه=والعرب فالصيف تعرف عدها المـارودي
العلوم اللي تحـط النـاس راس القمّـه=حبلها من يمكم يـا صاحبـي معقـودي
ثوبك اللي ما ينوش الأرض غير ابكمّـه=نزله للجمرة اللي فـوق راس العـودي
ودي اكشـف غلطتـك للعالـم الملتمّـه=أنت حربياً تطالبنـي بـورث اجـدودي
يـا محبيـن العقـال ومنكريـن العمّـه=خصمكم في الآخرة عبد الله المسعـودي
أنتم رجال الشـرف وعظامكـم منسمّـه=أعبروا ذاك الطريق وحملكـم مشـدودي
أنت ما تدري عن البارود ليـن اتشمّـه=مير لا ترمي بها فالـوادي المسـدودي
لوّ يا صياف علمـي تمسكـه وتضمّـه=تاجده مثل العسـل وألا حليـب القـودي
أنت تحسب جدنـا داب يمـوت بسمّـه=مير أنا باذل لنصره طاقتـي وجهـودي
يقطع الله ديرة اللي مـا يعـرف الجمّـه=والتجـارة يالعتيبـي بابهـا محـدودي
قبرك اللي في تهامـه بالتـراب اندمّـه=تحفره بالليل الأظلـم والعبـاد رقـودي

ياضيوفٍ حضرتوا يسعد الله مساكم=كل ضيفٍ نبي نأخذ حمايض علومه
الزلامي يحسب انه على الشعر حاكم=ما درى إنّا على الشعار مثل الحكومة
كان فيها تحدي فارقونا وراكم=عارفين القمر والليل نحسب نجومه
ياعرب مالحقنا شك في مستواكم=مير ياليت حضن الضلع يلزم بقومه
ياعتيبة زعلكم ما يباعد رضاكم=من يحب التحدي ما تردى عزومه
ياوسيع البنايد ما رضينا خطاكم=وادري ان المطيري ما فرحت بقدومه
شرنا مانعينه وان طلبتوه جاكم=مير خلوا لحاكم غالية ومحشومة
امتحنتوا عتيبة هالسنة وش بلاكم=والمراجل بحر واللي يعومه يعومه
والله إنّا مانرجي قطرةٍ من سماكم=ياعسا هالسنة تكثر عليكم غيومه
العتيبي طبيعي لو همومه تراكم=عادة اصغر مطيريٍ يزود همومه
يالاجاويد حنا ربعكم وقصراكم=والعرب ما تطق الباب غير معزومه
اعزمونا ونلفيكم وتكرم لحاكم=لا تقولون هذا عندنا وش لزومه
راعي البيت رجلٍ جالسٍ في حراكم=مير ضيف العرب يونس على الكبد لومة
يا عتيبة ترا داكم طلع من رداكم=المثايل قديمة و الشكوك معدومة
في زمانٍ مضى نزعل ونلعن ثواكم=والعشية مطير مريّحة ومخدومة
ليت والله يجي فرصة ونقلع مداكم=لو ملفي من الضيقة يشقق هدومه
دائم افعولكم ما تتفق مع حكاكم=مير خلك على البيداء ونومتك نومة

هل الطايف عرب منهم تسلسل يوسف الحاج=اجنشرله في بلاد الرافديـن ابيـات مشهـوره
رشيد الله يبـارك فيـه ماحصلهـا مخـراج=وصاحبنا دخيل مافـرق بالاصـل والصـوره
طردنا يوسف الحجاج وانته تبغـي المنهـاج=بعد ساعه يبي يضحك عليك مشجع الكـوره
تعبنا يالسناني مـا لقينـا للمريـض عـلاج=اثر بعض المرض يتعب دمرجيـه ودكتـوره
ترى التاريخ فيه اثبات ماهو هرجة الهـراج=وأضنك ما دخلته غير بعد عيال اخـو نـوره
منول يالزلامي في يداك الوضع مـا يحتـاج=وهالحينه وراك تدور مستشفـى وشرشـوره
ترى التاريخ واضح في زمان الفتح والمعراج=أخذنـا حقنـا وانتـم بعـد يبغالـكـم دوره
تهاوشتوا على مغراف فول وخبزتن في صاج=عجز يقنعكم الشيخ الكبير ومجلـس الشـوره
كفو ياصحابنا قـدام ذاك الخـط مـا ينعـاج=وهالحينه من البحر الحمـر ينبـل حنجـوره
حضرت الهوشه الكبرى وقمت تراقب الابراج=لكن شوري عليك تخلي الاوضـاع مستـوره
عسى ربي يعز الشمعه اللي نورهـا وهـاج=ويعين اللي من البحر الحمر مدلك ماصـوره
مدام البر جاك من اليمـن والتمـر بالافـلاج=لا تطمع في هذيك الصره اللي عنك مصروره
نقول الله يديم اللي وجـوده فالليـال سـراج=يسدد عنك فاتـوره ويلغـي عنـك فاتـوره
تجمعتـوا ثـلاث ايـام فالطيـاره الميـراج=وكبتنها غشيـم ورحلتـه ماهـي بميسـوره
على كلمتك هذي مستحقن نجمتيـن وتـاج=لكن تقص روس النـاس لواعطـوك دبـوره
انا والله مبيلك بين خلـق الله غثـا واحـراج=لكن انته حدى الركـاب والاحـوال مستـوره

من على هـذا المكان اللي يشعشع نـوره=أسـسه عبد العزيـز وعمره سلماني
ياسلام الله على أهـل الديـره المعموره=يـامعـازيبـي وياربعي وياصدقاني
موقعٍ فيه الشرف والعـدل ياخـذ دوره=كـل ماغـلقـت قافـك جاك قافٍ ثاني
مرحبا باللي ليامنه رسـم له صـوره=صـورةٍ فيها الخطر بإسـم الله الرحماني
إتجه للغرب وأحـوال العرب مستـوره=ماقـراه الغـامدي علم بـه الزهـراني
لقمة الهندي كبيـره وقطعت حنجـوره=لو أترجـم قصـة الهنـدي قطعت لساني
إتجه للغـرب وإقـر اللي على السبوره=ثـم دور للطبـيب مـداوي المرضـاني
وأقضب الخط المقابل ثـم أخذلك دوره=والله اللي يفـرق المسلم عـن النصـراني
ياخـويانا لاتصير أفكاركم محصـوره=كل عـود يصيـر له شعلـه وله دخـاني
أنته الليله عوج وأعوج من الباكوره=وأنـت رأس غليس وأنت الصاحب القوماني
والله إنـا مانعصيك العصا المكسـوره=والمفـتـح مايعيش بديـرة العميـاني
يالزلامي لاتجيـب العملـه المقبـوره=عـوجتـي مانتـه معدلهـا ولاتبـلاني
أنت ساكن في محـلٍ ماتطيـر طيوره=شـد عـن هـذا ودور لك محـلٍ ثـاني
لو خليـت الجمل يبـرك عليك بزوره=كان بـن شلاح يـذكـرنـي ولاينسـاني
قـاعـدٍ لي في مكانٍ ماتشـيـن زهوره=وأنـت خلصت العشـاء وأقـرعت بالقدحاني
لو لحقت الوقت الأول ماعرفت عصوره=جـدك اللي باعـهـا بالعـرف مـع جـداني