واهني اللي عن الحسد ودياره جلا = مير يجلا وين دام الحسد في كل دار
ماحدٍ يسلم منه لو يروح مع الخلا = يلحقه من كل ماشاف له نعمه يغار
البشر فيهم بلا يالله تكاف البلا = صار شيٍ غيَر الناس مدري ويش صار
والمراره صارت الحلو والمر الحلا = والنهار الليل والليل ماهو بـ النهار
واكثر العقال صاروا بالافكار اجهلا = ينفخون النار والنار تالع من شرار
والرجال اللي منول تقابلك بـ هلا = صابهم في تالي ايامهم شبه انهيار
اختلف هندابهم لو ماهم ببخلا = وصاروا ايشحون بالبن الاشقر والبهار
والرجال اللي بما فات مافيهم ولا = رجل ضيق صدر صارت اليا حد الزرار
والرجال اللي معك فالمواقيف ازملا = انت تغليهم ولك عندهم قدر ووقار
راحوا ايراعون بالرفقه عيون الملا = والصغير يقدرونه على شان الكبار
هكذا الايام واللي يبي نيل العلا = لايراعي غير رب البريه باختصار
والختام بتالي القول صلى الله على = النبي المصطفى عد من صلى وزار

المشاركة الأصلية كتبت بواسطة راع الصدق (المشاركة 1266016) بيض الله وجهك وصح لسانك واشهد شهادة انك ماكذبت

المشاركة الأصلية كتبت بواسطة سعد بن مطلق المقاطي (المشاركة 1266019) لايــراعــي غــيــر رب الـبـريــه بـاخـتـصــار صح لساااااااااااااانك