البشت لا علق على كل معلاق ( فلاح و مرزوق ) ...
 

بسم الله الرحمن الرحيم



السلام عليكم ورحمة الله وبركاته



طاروق لـ الشاعر/ فلاح القرقاح مع الشاعر/ مرزوق المقاطي ...




فلاح القرقاح

تعال يا مرزوق اسمعك ما لاق /:/ و اعطيك فـ الميدان صوله و جوله ..
احدً خلص من وقت ترتيب الاوراق /:/ و احدً يبي له شيء ماهو بـ حوله ..


مرزوق المقاطي

انا لـ علم الطيب مغرم و مشتاق /:/ ان كان تقدر يا العبيدي تقوله ..
بعد طيور الجو طارت بـ الارزاق /:/ ابو محمد قام يشعب ذلوله ..


فلاح القرقاح

من لا وقف لـ اخوان شماء على ساق /:/ ضحكت عليه و دمرته بـ سهوله ..
مدام دهن العود يجلب لـ الاسواق /:/ حاول تحصل منه لو ربع توله ..


مرزوق المقاطي

عذروبك انك صار ما عندك اخلاق /:/ و لا انت قدوه فـ الكرم و الرجوله ..
البشت لا علق على كل معلاق /:/ قالوا رجال المعرفه ويش هو له ..


فلاح القرقاح

المر يا مرزوق ماهو بـ ينذاق /:/ وين البعير اللي يشيل الحموله ..
تقول من ما صار يبسً الارياق /:/ و نقول ما به شعب من دون دوله ..


مرزوق المقاطي

خيلت لك في يمة الغرب براق /:/ و حول على وادي حنيفه سيوله ..
من صد عن دربي بـ تسعين طقاق /:/ الباب دونه محكماتً قفوله ..


فلاح القرقاح

وادي حنيفه كل ما سال ما ضاق /:/ مجنون لو قلت القبيله حموله ..
الكبر و الغفله مع شين الاوفاق /:/ تزيل حتى ذكريات الطفوله ..


مرزوق المقاطي

انته جملنا اللي نسوقه و ينساق /:/ مير البلاء في يديه مدري رجوله ..
العام اخذنا معك لزمه و ميثاق /:/ لا تنكر الميثاق ما حال حوله ..


فلاح القرقاح

انا ولد من حفظ عهده و لا باق /:/ سيطر على روس العرب و اذعنوله ..





آتمنى ان يرتقي لـ ذايقتكم ... آخوكم/ بندر المقاطي




الطاروق حصري لـ منتدى الهيلا ...

الله الله


ابو ثامر دايم مبدع والقرقاح كذلك


شكرا لك يا بندر على الاختيار المميزوالهيلا

تستاهل اكثر

بيض الله وجهك يابندر

ياسلام عليك يابو ثامر .،

صحت السنكم شعارنا وتسلم يداك يالناشر.

هلا و غلا يا ابو مطلق العفو طال عمرك و شرفني مرورك يا الغالي ..

هلا و غلا يا ابن جزاء و وجهك ابيض طال عمرك و شرفني مرورك يا الغالي ..

هلا و غلا يا الرآي الآخر و من يقول و شرفني مرورك يا الغالي ..

.
.
.
ابداع من الطرفين

بندر : سلمت يمينك على النقل المميز

كل الوووود

صحت السنة الشعراء


وسلمت على النقل